SANTO ROSARIO PARISH OF GAMUT

[steel bridge]

SANTO ROSARIO PARISH CHURCH OF GAMUT, TAGO, SURIGAO DEL SUR

Tuig 2003 tungod sa pag lambo sa mga membro Katoliko Romano sa Gamut, ang atong Kapilya sa Santo Rosario nahimo nga bag o na nga Parokya nga sakop sa Diocese sa Tandag. Nabahin ang lapad ug luag nga Parokya sa Tago nga mao ang Parokya La Purisima Concepcion. Tungud sa panabang sa atong mga kaigsoonan sa Gamut ug sa mga silingan nga mga ka barangayan nga sakop sa Parokya, na tukod ang bag-o ug maanindot nga duha ka andana nga Kumbento sa Santo Rosario. Tungud niini, nadasig ang mga katawhan sa pag tabang sa atong bag-o nga Parokya tungud usab sa pagdumala sa atong batan-on ug madasigon nga Kura Paroko Rev. Fr. Paul Bernard Cotejar. Mipadayong ang pag usbaw sa atong katilingban, ug nahimo nga guot na alang sa mga magsisimba ang atong daan nga balay alampoanan ug mahimo na nga piligroso alang sa katawhan ang nagkagabok na mga simbahan. Kini nga mga problema nakita sa atong Parish Pastoral Council sa Santo Rosario, mao nga namugso ang usa ka plano nga dugay na nga gidamgo ug gipanganduy sa katawhan sa Gamut ang paghimo ug bag-o ug moderno nga simbahan. Tungud sa kalisud sa panginabuhian sa katawhan, kini nga mga panganduy nag pabilin lang nga mga damgo alang sa katawhan sa Gamut tungud kay nahimo nga dakong imposible alang sa uban kung asa makakuha ug kantidad, ang atong bag-o ug wala pay pundo sa panudlanan nga parokya. Apan nagpadayon sa pag dasig ang atong mahal nga Kura Paroko, si Rev. Fr. Paul Cotejar, sa matag adlaw nga Domingo sa iyang homiliya iya kanunay nga gipahimangno ang katawhan nga mag madasigon sa pagtabang alang sa atong katilingban sa Gamut kay matud pa niya nga “naningkamot man gani ako nga dili man ako taga diri sa Gamut maka tukod kamo ug nindot nga Simbahan, ako lang kana biyaan sa sunod nga molabay nga mga katuigan kay ma assign na usab ako sa lain nga parokya, kamo pa kaha nga taga Gamut, nga inyo man kining garbo nga aduna kamoy nindot ug moderno nga simbahan” Kana nga mga pulong ang nakapadasig gayud ug dugang sa katilingban. Ug niadtong miagi nga tuig 2008 penal nga nagkasabot ang mga membro sa Parish Pastoral Council sa Santo Rosario nga ipadayun ang dugay na mga damgo sa katawhan sa Gamut ang pag pa tukod sa Moderno nga simbahan. Tungod kay wala may dakong pundo ang atong Parokya, nangulikta ang Parish Pastoral Council ug mga hinabang gikan sa mga Gagmay’ng Kristohanong Katilingban (GKK zone) sa Gamut ug sa mga nahisakop nga mga Kapilya sa kabarangayan ug sitio nga sakop sa Parokya sa Santo Rosario. Gi target usab sa atong pinalangga nga Kura Paroko nga makalikum ang Parish Pastoral Council ug kapin sa Usa ka Milyon ka peso alang sa pagsugud sa konstraksyon.” Kun aduna kita’y usa ka libo (1,000 persons) ka mga tawo nga muhatag ug tag usa ka libo ka peso matag usa kanila (Php. 1,000.00), makalikom ang atong Parokya ug Usa ka milyon ka peso (Php. 1,000,000.00)” pamulong pa sa atong mahal nga kora paroko Rev. Fr. Paul Cotejar. Ug niadtong Miagi nga Bulan sa Junio 2009, nasugdan ang konstraksyon sa atong simbahan, ug ang matag zona sa GKK sa Gamut ug sa mga sakop nga kapilya, maoy naga padala sa mga panday, mason ug laborer isip mga boluntaryo nga nga trabahador sa konstraksyon. Hangtud karon ang atong Batan-on ug madasigon nga Kura Paroko Rev. Fr. Paul Cotejar ug ang mga membro sa Parish Pastoral council sa Santo Rosario sa Gamut, nangalap pa ug mga lista sa tawo nga maga commit o maga pledge sa ilang mga Donasyon alang sa pagpadayon sa konstraksyon sa Simbahan sa Parokya Santo Rosario sa Gamut, Tago, Surigao del sur.

Alang sa inyong mga pledges ug Donasyon sa pagpadayon sa konstraksyon sa Parokya sa Santo Rosario sa Gamut, Tago, Surigao del sur; mahimo ninyo akong sulatan ug ipadala sa email address:
gamutnon@yahoo.com
o ipadala ang inyong mga donasyon sa
Rizal Commercial Banking Corporation (RCBC Tandag branch)
Peso account No.1-42333777-6
Account name: Rev. Fr. Paul Bernard Cotejar

O kaha Pakigkita sa opisina sa Sto. Rosario Parish Church sa Gamut ug ni Rev. Fr. Paul Bernard Cotejar Cell phone No. +63-9296750006

[steel bridge]

ON GOING CONTRUCTION OF STO ROSARIO PARISH CHURCH

[steel bridge]

MORE PICTURE