lost and found: claire lim!

[kampanaryo_spy]

Claire Lim is the granddaughter of Insik Santos, she being one of the daughters of Cita Yu Sing who married "Tonjong." Claire now lives in Australia with her family.

Claire was our classmate in Grades Three and Four at Falcon Memorial Elementary School where she was our Anne Curtis. Actually she was better than Anne Curtis because Claire was (and am sure, she still is) highly cerebral. To top it all, she was a karate kid (think Michelle Yeow), and so us boys---especially sughac who was our batch's bruce lee [or was it meng fei?]--knew better than to mess with her!

Two of Claire's sisters spent some time in Purisima School where, like Claire, they also showed intellectual mettle. Christine (Kikit) was with the batch of Sr. Merceditas Ang, and Coleta with Farm's.

The LIM KIDS come from a gene pool known for mental acuity. When they later resettled to Lingig, their father's hometown, they harvested every available ribbons and medals for FIRST HONORS during commencement exercises.

We lost contact with Claire after they left Tago in the mid 70s. I met Kikit in Davao in 1994 while I was---of all things---jogging in Marfori Heights. (I was taking masteral studies then.) We did a quick catch-up. She told me that Claire, for a time, taught at MSU-Cotabato and had since then migrated to Australia.

Below are some pics of the Lim Family. I'll try to identify some of them. Or maybe Sughac can help me on this.


In white and standing from left is Claire. Standing in black is Kikit and the one in red is Coleta. Seated in red is Chona (?). The rest escape me at present.

[sughac]

K_SPY,

Thx a lot for posting pictures of our long lost classmate. I'm also curious of the whereabouts of leslie buenaflor, bing bing fronteras and who else's..........

[kampanaryo_spy]

Leslie Buenaflor is in Manila. I just dunno where.

Bingbing Fronteras---she it was who gave the biblical Salome a run for her dancing shoes. The moment Bingbing Fronteras donned her grass skirt and gyrated to the tune of Tiny Bubbles, the world stopped spinning! I heard that for a time, she managed the career of her sister, Maria Montes. sila an karnal ni tita and kitty, but like us, they too lost track of bingbing.

yes, it's nice to meet them again and reminisce.

[manday]

I remember Claire very much, isa ka panahon yagka iban kami minsuba ga jeep kami pasingod sya sa unaban ako pasingod sa sumosumo kay an father niya amo ga manage nan rice mill nila sa unaban. Aside from Coleta,Cristine may manghod sya na batch nina Susie and baby my sister.

Si Bingbing, Tita, Kitty amo yadton mga sikat sa Falcon mga guapa - sa Sughac isab mga untouchable isab anak god ni Villamor - adto na panahon sa kilid lamang ako kay feeling ko taga ilaya gayod. Adto na mga panahon an mga sapi an an mga bag may ligid - sa amo batch si na Dodie Salas, Jessie P. Mariano Castillo - ini isab taraw sila an ga hunting sa mga guapa nan iyo batch amo agaw sila Bingbing, tita, kitty. These are my memories of the rich and famous during my childhood at FEMS.

tenx KSpy for the nice pics of the Lims.

[kampanaryo_spy]

manday,

you're correct... bagan si chona an batchmate na susie and baby. ka-batch sab ni manong mo longlong si coleta. kadumdum kaw na 1st runner up si coleta nan miss tago na si nida laurente an mindaug?

[manday]

OO yangita ako yadto, rayna si Nida, first runner up si coleta, tapos alam ko runner up si Dulce Pilapil at si Monyeen Quico.An ila outfit yellow na shorts tapos mid dreb haltered na backless. Si Mama iban ko pangita kay mahimayaon isab siya nan beauty contest. That time bagan amoy day ato kalingawan yadto.

[sughac]

I remember Claire very much, isa ka panahon yagka iban kami minsuba ga jeep kami pasingod sya sa unaban ako pasingod sa sumosumo kay an father niya amo ga manage nan rice mill nila sa unaban. Aside from Coleta,Cristine may manghod sya na batch nina Susie and baby my sister.

Si Bingbing, Tita, Kitty amo yadton mga sikat sa Falcon mga guapa - sa Sughac isab mga untouchable isab anak god ni Villamor - adto na panahon sa kilid lamang ako kay feeling ko taga ilaya gayod. Adto na mga panahon an mga sapi an an mga bag may ligid - sa amo batch si na Dodie Salas, Jessie P. Mariano Castillo - ini isab taraw sila an ga hunting sa mga guapa nan iyo batch amo agaw sila Bingbing, tita, kitty. These are my memories of the rich and famous during my childhood at FEMS.

tenx KSpy for the nice pics of the Lims.

manday,

sakto kaw gayud, abihay mo ako isab ibugi gayud nan mga bag na mariano sanan si dodie na may ligid, mag-sunod sunod gud ako kanila.an amo papa never made us feel that we are above the rest and they never lavish us with good stuffs. but i'd like it that way.may isa gani kahigayun when i was grade 1 , under mam soling gallito. i was so humiliated on our christmas party exchanging gift kay an ako in putos balor da sa nan inkasabotan, bagan pilahay adto ka wafers & candies.kumostabulaw kay si leslie buenaflor sa an yakahugot nan ako, sikati sa siya nan yadto, what is master & miss valentine gud sila ni albert diaz ng.Na gaminatay kay! kay gareklamo kay an iya kuno mahalon an inpotus, pagasaway an ako regalo, sipugi gayud ako day, but my papa comforted me when i got home , when i told him the story & explained to me that i havent done anything wrong.laong niya, why would you feel bad? it's their loss not yours.gamay da isab ako memory sa falcon kay kutob da sa ako 3rd grade.pero pangutan-a si K-spy kun sin-o an gadominar nan program programan kada buntag before class ( soloist ), inday kun yakahinumdum pa sila nan ako mag kantahon. hay !!! lamang!! kagahapon..

k_spy,

yaon laki tapad ni claire( seated ) ila yaon youngest si dodoy, next myene(asawa tingali niya) ,chona. ( standing ) kitkit, neneng or coleta, bea. iya husband si ed, then kids are christian,ana-clarise, raphael.

[kampanaryo_spy]

sugz,

hahahaha. amo kay agaw. ay, ay sikati taraw si anoy amo? what is, anak gud ni erat castillo! de ligid sa gayud taraw an bag na aya pag guyuda. an ato lugar, yadton brown na ag balitaw isagbay sa abaga na may hulagway na kung-fu na pinalit ni mama sa bol-anon.

ay, ay grabe sab si leslie kay, what is, opisyal gud nan PC an papa. basta mo abot na gani si yo bert (iya papa), molaong dayon si ya goling (iya mama na 2nd cousin ni mama), leslie paibana sa k_spy. basta maghura kamin kinaunay. tapos may mga kun na gagmay ni leslie (siya day may haud nan yadto entero tago), manag dait dayon kami haw mag sun-ad nan kan-on, tapos magluto nan chorizo. matay na pagkalami-i na adto kay way gud chorizo sa tandag astan sa tago nan yadto na panahon. basta intawon si junjun herrera magtiyaho kay inday nanga na di sa gayud siya pa entrahon ni leslie. hahahaha.

kada buntag ag kami pagsawanun kanimo kay di sa gayud mag sugod an klase haw di kaw mo birit nan WINTER, SPRING, SUMMER, AUTUMN. hahahaha. basta an ugat nan yaon gamayi dakan gayud mambuto na sa imo liog.......hahahaha motindugay sa kaw gayud taraw sa atubangan haw dayon mo nga-nga! hahaha

si ma'am alegria pontevedra lugar yaon adto na an alima sa baba kay papuyuon kami kay mandukih-kih sa kamin kumatawa kay kibali sa gayud straw nan softdrink an ugat na yanggataw sa imo liog.

may ato isab classmate nan grade two na pag abri nan iya "jing-jing" gift nan xmas, ta-e nan kabaw. basta an urangag gayud nan tumiyaho, unsay linaha na nati.

lamii lang mag dumdum amo?

[sughac]

sugz,

hahahaha. amo kay agaw. ay, ay sikati taraw si anoy amo? what is, anak gud ni erat castillo! de ligid sa gayud taraw an bag na aya pag guyuda. an ato lugar, yadton brown na ag balitaw isagbay sa abaga na may hulagway na kung-fu na pinalit ni mama sa bol-anon.

ay, ay grabe sab si leslie kay, what is, opisyal gud nan PC an papa. basta mo abot na gani si yo bert (iya papa), molaong dayon si ya goling (iya mama na 2nd cousin ni mama), leslie paibana sa k_spy. basta maghura kamin kinaunay. tapos may mga kun na gagmay ni leslie (siya day may haud nan yadto entero tago), manag dait dayon kami haw mag sun-ad nan kan-on, tapos magluto nan chorizo. matay na pagkalami-i na adto kay way gud chorizo sa tandag astan sa tago nan yadto na panahon. basta intawon si junjun herrera magtiyaho kay inday nanga na di sa gayud siya pa entrahon ni leslie. hahahaha.

kada buntag ag kami pagsawanun kanimo kay di sa gayud mag sugod an klase haw di kaw mo birit nan WINTER, SPRING, SUMMER, AUTUMN. hahahaha. basta an ugat nan yaon gamayi dakan gayud mambuto na sa imo liog.......hahahaha motindugay sa kaw gayud taraw sa atubangan haw dayon mo nga-nga! hahaha

si ma'am alegria pontevedra lugar yaon adto na an alima sa baba kay papuyuon kami kay mandukih-kih sa kamin kumatawa kay kibali sa gayud straw nan softdrink an ugat na yanggataw sa imo liog.

may ato isab classmate nan grade two na pag abri nan iya "jing-jing" gift nan xmas, ta-e nan kabaw. basta an urangag gayud nan tumiyaho, unsay linaha na nati.

lamii lang mag dumdum amo?

k_spy,

ha ha ha !!! yakahinumdum sa kaw gayud baya nan ako pisa naadi.wara pa iton american idol , ga-una na kita.an ako favorite story na pirmi ko pa gihapon kadumduman yadton the 5 chinese brothers , puros balitaw may ila kalaki, an isa gani mosuyop nan suba, may motaas an li-ug.ikaw daan pa naadi mahilig kaw nan books kay i can still remember na ikaw an first classmate ko na gahatag kanako nan custom made bookmark.its really a good idea to see them again ,altogether.ato agaw yaon planohon, uno say di matibog.may imo mga pictures nan yadto na mga panahon , paki-post taraw kay mamur-ak kita.ugaling ,wa pa say lagi digital cam naadi, under the mercy sa kita nan anhing iyo alping salas.

[manday]

Sug, kadumdum ako na grade three da kaw then you all transferred to Cebu, but I didn't realize you were raised by your father that way an ako image sa iyo mga guapuhi, sapi-an,untouchable kay gani mouabot na gani kamo gikan sa Cebu bakasyon magapalit ako sa iyo tindahan sipogi ako kay gikan gud sa Cebu kamo - that time studying in the big city is only for the rich. Yakadumdum ako insugo ako ni mama na maghatod nan kapaya kan anhin papa mo kay order nya tapos laong ni mama lang a
na an prisyo nan ini 25 sentavos - laon ko kan mama ma -ihatag dakan laong ni mama isab lang a lamang sya. Kadumdum ako in hayop ako ni papa mo. paga analyze ko kuman na si mama wara siya masipog maglaong na may prize kay lumon pa baya sila sa Montenegro na side. But back then I had no idea- basta an alam ko mga sikat kamo.

K-Spy the best part of the shcool year was Christmas time.Excitedi ako pag exchanging gift na dili ako ka turog - boxes of tarzan and sa katol mabinta that time. Bagan five pesos adto an budget - an ako karton may asokarada, amo da ako kadumduman yaon tapos kun marie gani na biscuits bagan taas na budget. Sa amo na batch an may kwarta permi si Lalay laurente at si Dodie - sila an may 20 pesos bills.Kami bagan free ni lalay permi - that time Iyo Damian was in the custom, Si dodie isab anak nan Mayor.Si mariano isab anak ni castillo mayor of mangagoy.An ato canteen that time si iya bebing cosmiano an manager - binignit, ice candy, botse - tapos may ka iya Sola isab binignit, botse, preter. 25 da bagan ako budget or piso or usahay pa wara. Si lalay arangi na amiga pag recess na kay manglibre sa. those were the days na carefree -waray problema an problema ko lamang an mga Classmate na mga sungog si Nicknick ay ay super hyperactive, sila Mariano at si Jessie ma sungog. An problema isab adto na panahon waray comfort room na madayaw naman arang na maka igit.

[sughac]

Sug, kadumdum ako na grade three da kaw then you all transferred to Cebu, but I didn't realize you were raised by your father that way an ako image sa iyo mga guapuhi, sapi-an,untouchable kay gani mouabot na gani kamo gikan sa Cebu bakasyon magapalit ako sa iyo tindahan sipogi ako kay gikan gud sa Cebu kamo - that time studying in the big city is only for the rich. Yakadumdum ako insugo ako ni mama na maghatod nan kapaya kan anhin papa mo kay order nya tapos laong ni mama lang a
na an prisyo nan ini 25 sentavos - laon ko kan mama ma -ihatag dakan laong ni mama isab lang a lamang sya. Kadumdum ako in hayop ako ni papa mo. paga analyze ko kuman na si mama wara siya masipog maglaong na may prize kay lumon pa baya sila sa Montenegro na side. But back then I had no idea- basta an alam ko mga sikat kamo.

K-Spy the best part of the shcool year was Christmas time.Excitedi ako pag exchanging gift na dili ako ka turog - boxes of tarzan and sa katol mabinta that time. Bagan five pesos adto an budget - an ako karton may asokarada, amo da ako kadumduman yaon tapos kun marie gani na biscuits bagan taas na budget. Sa amo na batch an may kwarta permi si Lalay laurente at si Dodie - sila an may 20 pesos bills.Kami bagan free ni lalay permi - that time Iyo Damian was in the custom, Si dodie isab anak nan Mayor.Si mariano isab anak ni castillo mayor of mangagoy.An ato canteen that time si iya bebing cosmiano an manager - binignit, ice candy, botse - tapos may ka iya Sola isab binignit, botse, preter. 25 da bagan ako budget or piso or usahay pa wara. Si lalay arangi na amiga pag recess na kay manglibre sa. those were the days na carefree -waray problema an problema ko lamang an mga Classmate na mga sungog si Nicknick ay ay super hyperactive, sila Mariano at si Jessie ma sungog. An problema isab adto na panahon waray comfort room na madayaw naman arang na maka igit.

manday,

the only reason na inbalhin kami sa cebu kay gusto nan amo papa na mahibawo kami mag-speak nan chinese , to preserve the heritage and get a good connection in the future.kay hamok sa an mga sapi-an nan yadton amo school sa cebu. hibawo sa kaw mga chinese traits na tulong-tulong sa business.si papa , very strong an sense of attachment sa mga lumon and that, i can understand, kay wara sa gud siya magdako sa tago, he grew up in china, from 8yrs to 18 yrs old.pagbalik niya ulitawo na siya.kanaman kun mahibaw-an niya na lumon pa baya niya, he felt proud of it , tapos pirmi gayud kami niya lang-on na amo ini an mga apelyido na ato lumon.siguro, feel secured siya kun ma associate siya nan mga kalumonan and he was a very nice fellow.
bilib gayud ako kanimo ,kadumdum pa sa kaw aton, tarzan, katol , marie. kami naadi dagan da sa kami sa baybay kun abuton na, hawagi an Comfort room nan falcon.those were the days.

[kampanaryo_spy]

sugz,

WINTER, SPRING, SUMMER OR FALL baya!

uno yadto sa una na ag sa kita mangadto sa baybay haw mupungkoy sa mga binu-ungan kay mag ug-ug? tapos an ido lugar nan yaon hinam-hinam na, gapanilap na na gahuwat sa kilid! hahaha panga bungawi ta na adto. tapos pag uli ta, puno an ato mga bulsa nan asin kay may mag-asinay sa nan yadto na panahon sa baybay. pag-abot sa bay, kulata-militar ni mama kay: UHHMMMM….DIDTO NA BAYA ISAB KAMO SA BAYBAY. WA DAKAN KAMO PANGHIGITA NAN HAPAY!

pero may di ko gayud kalimtan nan grade 3 kita. christmas time yadto, mag dekorar nan room. gusto ni ma’am pontevedra na maghimo nan xmas tree na badinga, pero dili siya ganahan na bura nan perla obien gapas an himoon na “snow.” gusto niya mga linubo na styrofoam kay arangi sa lagin iyo kay what is, yadto na panahon, mall of asia sa taraw an tindahan niyo.

isa ka hapon impahanap kitan dako na pungo nan niyog kay himoon na xmas tree. laong nan ato mga classmates na taga crossing na may mga dakuwai kuno na pungo dapit ka Pitang kay ad-on sa sila mag-agihan haw mangiskuyla.

adto ga panon kita: ako, ikaw, si kano (junjun herrera), si paul, si Edmund, si tata yu sing, astan mga classmates ta na taga crossing. layuin in-abtan ta; tupod an ato mga alima nan pungo na ato papili-an kan ma’am pontevedra. taud-taud may minsiggit. pag lingi ta—tao na gahawid nan haba-i na sundang, siguro gatuo an tao na yan logging kitan niyog (term naadi nan mangawat nan niyog na pabayluhan nan bibingka ka anhin ya sola Pacheco). yangdapanas kitan dagan, unsay mga ido na inkilatan. i mean, imajina, 9 years old kaw, tapos may tao na tiguwang na gada nan sundang, di kaw sakahan nan kabuhi nan yaon?

sus inin tama na paul kay mahadlukuni sa, intanungan, wara makadagan. singkitar paga san Antón (yaon igusom balitaw na di kaw kalihok, singkitar kanimo inugbok na kandila). madjaw gani kay may presence of mind (boy scout!) si alexio clarit haw inbikya si paul haw kayot silan dagan.

nan ato kalisang, yagsigbagan kitan dagan. didto kita kasimang sa kalati-an na may la-u. (bagan dihaw la-u an tawag nan ini kay di saw katunggan. lang-on ta lang lam-aw.) Nan apiki na kita sa lam-aw na daku-daku-ay lang sa nigo, an tubig gahibok-hibok. tapos mukidlap, amodan bu-ak na espejo na inkigdan nan suga. pag dud ta sa lam-aw: SUS PUNUI NAN GURAMI. ay, ay na pagkadamui pa kaw na gurami, sa kapuno nan lam-aw di na kalihuk. inday diin yadto gikan. minbalik kita sa ato room na way saba.

yalisang si ma’am Pontevedra pagkahibawo na yangayot kitan dagan kay may manigbasay.

pagkatapos nan klase, kuha-a ta yadton mga lata nan pintal sa likod nan eskuylahan haw hakuta ta yadton mga gurami. balik-balik kita nan hinakutay. adto ko ihabwa an mga gurami sa amo gamay na pond na sementado, sa may terrace namo sa likod. pagkasilum yatinga dakan sa papa kon diin yadton mga gurami na yanglutaw unsay mga tinubli sa pond namo kay pasu-i san tubig.

manday,

ay ay yakadumdumay pa sa kaw gayud nan azucarada na ag ta itunlob sa tubig. lamii sa una basta xmas na kay mag “jingjing gip” sa lagi dayon. tapos mga tiniman-an na dayon an gift na dagko. di ba sa una way uso nan manito-manita kay number da sa, tapos huguton an numero. sa amo, kan leslie gayud an inampu-an namo na amo mahugot kay kibale gayud yakadaug nan sweepstake. sa iyo, bagan an kan kenneth baloyo isab amoy inatangan. haw mag jing-jing gip kami sa UCCP, kan Kenneth gayud an dinumtan nan tanan. lain sa lagi an baloyo kids kay kong balor singko an gift, balor traynta an ila. tapos an sud: isa ka serg’s, lima ka curly tops, tapos mga 7M na supas=> bourbon (lamii!), soda cracker (my favorite---yadton may violet balitaw an putos niya?), nice (yadton may asukar sa imabaw. not my type ini na supas.), marie (yadton dagko na may gitla dapit sa kilid na amoy balitaw ato unahon pag tigpo hangtud na mugamay an marie), astan ginger buttons na mahang gamay kay luy-a gud.

pero yakadumdum kaw nan yadton grade 3 kami, grade 4 kamo? ga YCAP (an makatubag nan meaning nan YCAP may premyo kanako!) kita ngad-on sa acacia na atbang nan library sa una, kuman atban na na manong bob luna. an “bagis” gayud sa iyo batch si Jessie pagaran (di balitaw ganahan si Jessie na mag reunion kay kadumduman sa lagi dayon niyo an iya abilidad na hulga-on kamo na sumbagon haw dili niyo paliton an iya caimito. hahahaha). inday uno yadto na siguro paga hilabtan ni Jessie si Kenneth. basta kay lanta pa kaw ni kenneth si jessie nan sundang. an kayas gayud ni jessie, mindagan. lanat sila duha ni kenneth, kibali ga kuding-kudingan. gapahininggit si laynita nan sawan kay hapit na sa gayud ni kenneth apsi si jessie tapos gahaway na si kenneth nan sundang kay tip-ason an liog ni jessie. madjaw gani kay bagan yagapis da si kenneth ni clarito lamela. sukad nan yadto wara nay gayud makadanga-danga pang hilabot kan kenneth.

lugda!

sa amo batch arangin mga gwapa. pero an iyo sab taraw pambato si payakyak curada. kyutihay sab si payakyak, tapos lamii sab mo sayaw, amo?

[sughac]

K_spy,

enjoyi gayud ako na gabasa,inhigit an ako isip sa kagahapon. bagan kalami balikon , kun puede lamang garo. bagan ka simple da lamang na childhood pero dili nako ibaylo sa kuman na generasyon, bisan hamoki na kuman na mga duwaan , like .. weii,psp,xbox,uno pa ad-on. bilib gayud ako sa imo memory, kun wara kaw mag-istorya dili ako kadumdum, partly, may ya retain pa sa ako pero mostly wara na.ako isab kadumduman, bagan kadakoi nan falcon school campus naadi, pero kuman magtan-aw ako, gamayay da sa baya.si yoyoy gallardo an ako in kadumduman na kusogi modagan.hinumdum isab ako kan felix na kaduhon( bagan 2 purgadas an kado sa lawas ), yadton adopted ni aning gutierrez( neighbor niyo )na pirmi kasinumbagay sanan si edwin quinonez, kay bag-on salta sa si edwin sa tago,grade 3 bagan kita adto. pirmi nato sila pa-awayon, kita lugar enjoyi na sila gasinumbagay.yahinumdum kaw isab na by accident yatigbas ko si albert diaz ng, nan dayupak nan yanguma kita sa duma duma dapit sa bay na mario prado. sawan ko gayud kay sirit sa an dugo sa o ni albert.hamoki gayud agaw na guapa sa ato batch. an batch na manday an bagan hangtud yanga dagko kita close sila sa ato batch gihapon.

[manday]

K_Spy daan kaw nan imo silingan, ay ay kadumdum pa sa kaw nan Kaimito ni Jessie kun wara kaw mag mention nan ini yahikalimot na ako. Grabehi imo memory.Bisan si Charlito lamela ka dumdumam mo pasa. Amo agaw kulbai yadton si kenneth man manglanat nan sundang, mahadlok ako sa iya. An amo batch arang na tiguwang - yadto si Charlito Lamela agaw bagan hinood na siya sa amo, si Nicolas Martinez hasta yadto amo classmate na tagalong apiki gani ka Cynthia orozco ila bay na dakoon gani sya. Si Payayak cutie siya. Sila yaon amo taraw mga hawod nan adto pa siya sa Falcon kay mintransfer sa siya sa citi tapos adto na dayon siya sa Mangagoy. Si Laynita an iya ka pantay sa kahawod ( kami sunod sunod da kami sa ila kay dili kami muato.Si dedith Duque isab yagka Classmate isab kami, bagan grade 3 da, bagan kadumdum ako away sila Payak at Dedith, draw taraw sila sa baybay kami audience ( hadloki ako yadto kun hain ako dapig). kadumdum kaw sa tungod nan grade three room sa may library yadton karaan na building na arang na baboy-baboy sa tungod? Bagan talent mo isab na mag harvest nan yadto.

Detalye mo sa gayod an description nan mga biscuits, color pati ngan. Recall ko kuman adto mga sikat na pagkaon na paga mention mo. 7M sa taraw adton class. pero believe ako adto mga ginger, madescribe mo pa.


Sayod kaw na si Jessie na silingan mo man baligya nan Caimito, kay yaon na kuno sa Davao ma assign, VP kuno iton tao sa iya bag-o na assignment. Laong ni luz at lina, kita kami Davao sometime in october 2006 before I left .

Isa pa na tiguwang namo na Classmate yadton amo second honor nan grade six, na working student ni Mrs.Luna, man siya magbaligya nan bibingka na lamii na amo da nan sa Cebu na Klase na arangi na mantika galana lamier. Hain na kaha sya kuman. Rosalinda bagan ngan niya.Makadumdum pa kaw siguro Mel.

[kampanaryo_spy]

hahaha ay, ay sugz grabe sab yaon duha ka purgada an kado, kibale baya iton ido na yakaka-on nan iho!

sugz yakadumdum kaw kan democ cabrera? batchmate ta yaon galing kay permi siya section three. gwatsinangguhi sab si democ, ag sab ka-alasan an ako ka bungaw. may iya mga kaugalingon na lenggwahe na ag dayon namo haudon. pananglitan: “ingkud sa bangko” mahimo na “lingkorn sa bangkorn.”

dihaw brayet yadton si democ pero very witty, pwede mag stand-up comedian kay grabe maka-adlib.

nan grade three kita, section three si democ, under mrs. maria correos. may pagapa memorize kanila na kanta, tapos laong ni ma’am correos isa-isa sila mo kanta sa front pagkasilom.

pag-uli ko sa bay nan hapon, igo ko da i-etcha an ako butang haw kadto ako ka democ, kay silingani sa kami, kay mamati akon drama na Juno. Yadton drama balitaw na may ido na ag mulupad na an ngan si Oktubre?

si ‘yo tungay na ama ni democ adik isab nan Juno. Pagalanghagan na si democ na didto sa kilid gakukantantahay kay dili mabati ni 'yo tungay haw hain na si Juno maglina-ap la-ap sakay sa likod ni oktubre. Gapanghingatawa ako na gapamati sa lyrics ni democ kay sa huna-huna ko: daan kaw gayud ni ma’am correos silom. (looking back, it made me wonder kon di pa si democ mahibawo mubasa nan yadto naman iya da lang paga-"oido.")

hapon an music na democ. tapos an ila room, amoy gayud una sa galaray na classrooms haw gikan kaw sa library. di ba an room ta nan grade three sa tumoy? dapit na dayon sa koral, na pagluwak mo pa-Siti na dayon? pagkahapon, sige akon gawas, palabay-labay ka democ room.

ini na kuman, magsugod na an ila music na klase kan ma’am correos. di ba sa likod nan yadto na building, facing nan building nan grade five, arangi na kalipayan? didto ako gapahipi. may buslot gamay dapit sa sidsid nan building, didto ako mag silib.

“Democ, your turn to sing,” laong ni Ma’am Correos.

kataw-ununi na ako kay knowing na daan ako unoy hirepararan nan yadto na salida.

mintindog si Democ haw min-aksyon pag nga-nga.

“Ngadi sa front,” laong ni Ma’am Correos.

minkadto si Democ sa front haw kanta nan: “GUAVAS ARRIVE! GUAVAS ARRIVE!”

yaghuyong-huyong an mga kalipayan kay grabe kon dumukih-kih, pero pinugngan lagi.

“Na-ay pa, na-ay pa!” Laong ni Ma’am Correos, “Diin baya Democ gikan an bayabas?”

mintan-aw si Democ kan Ma’am Correos, wa makasabot.

“Diin baya gikan an bayabas na min-ARRIVE sa?” laong ni Ma’am Correos.

without missing a beat, laong dayon ni Democ, “Gikan Ma’am sa bay nan kabog.”

“Sa bay nan kabog?” si Ma’am Correos na isab an intanungan kay wa makasabot astan wa magdahum nan tubag ni Democ.

“Oo, ma’am, sa bay nan kabog.”

“Kay ga uno ngadto?” laong ni ma’am correos, an alima gahaphap nan eraser sa lamisa.

yangawut si Democ nan u haw ga smile nan amodan kanan ba-u smile: “Pagahimo siya ma’am na bola nan jackstone!”

Zingggggg.....lupad an eraser pasingud kan democ. Upo si democ, didto an eraser mo saguntok sa blackboard!