INTER PUROK NA KAMATAY SA TAGO

[kampanaryo_spy]

Way maka asuy kon kagan-o gasugod ini na tanghaga: yaon haw may mapatay ngani na isa sa Tago, sumpay sumpay na dayon na singkitar inter-purok tournament. kuman sa lang na buwan, tupod gayud nan hinaya an tanan purok nan Tago.

an iban mulaong, labi na an dihaw mga Tagon-on, na kabahin ini nan pagka "masinahon" nan taga Tago. oo, laong nila, lain kuno an Tagon-on kay pati patay kasinahan.

an iban molaong na "minaldisyon" kuno kitan mga Tagon-on. Kibale taraw kita day ag kamatyan, sila dili.

an iban molaong na "tauhan" an Tago kay naadi na panahon arangi na dihaw singud kanato naman at ato baybay, an ato suba astan sabang, bisan an ato dan "ayu-an." naman dili kuno pwede sa Tago an isa da ka patay, dapat isa ka tig-ani gayud.

Usahay ag kita makatoo nan ini na mga sugilanon.

Mga tulo na katuig an minlabay, grabe an kamatay sa Tago. Laong nan solamente mediko nan Tago, na may mindunggo kuno na barko na dili kit-an (invisible) dapit sa Bongtud. Yadto kuno na barko, laong nan mediko, dili mularga kutob dili mapuno nan Tagon-on, naman grabe na kamatay nan yadto na panahon. Haw may yanag damgo isab dayon na kanaman kuno dipalitan panga rut-ok nan mga Tagon-on kay dili na manag rosaryo sukad min undang pag ginhawa si Ya Panty na amoy sa una magpasi-ugda nan rosaryo kada dum na magtuyok sa Tago.

Ato ma imadjin uno kagamay yadto na barko kay bagan wa sa muabot nan isa ka dosena an yangamatay na Tagon-on, ga "puyra bisita" na sa dayon.

Nan inin presente na inter-purok kamatay sa Tago, may minbutwa na isab na istorya gikan sa solamente mediko nan Tago. Na yaon nay isab batang na mindagsa dapit sa Bongtud. Pareho dan istorya: di gihapon muundang an kamatay kuman sa Tago hangtud yaon batang dili mu-itod haw mag "purya bisita" na isab.

Laong nan mga traysikol drayber, HAIN DAPIT AD-ON TAMA NA BATANG KAY HATSAHAN TA HAW ILUNGOG NGAD-ON SA PANADERIA PARA MARUNGO ININ PATATAS?

An mga bata na silingan namo, dili na maligo sa suba kay pagahadluk nan ila mga ginikanan na "hala kadto kamo sa suba kay para kamo mahisakay sa batang."

usahay ini na mga sugilanon ag maka hadlok astan makapahimuot kanato. Pero kadaghanan, ini na mga sugilanon ag maka papungot kay gapa kila lamang gayud na wa nato madawat an kamatuoran na an matag kinabuhi may utlanan, utlanan na wara ipasikad sa edad.

inaa pa kay hanapon ko anhin tama na batang, kay labon sa inka hutdan kamin Gasul.

[toyang]

K-spy,

Naay pa kuman, tama na batang aton kadayaw pa sa dayon texan
haw parhuga. Pero mas madayaw agaw yaon hatsahan dakan haw ilungog
kay para puslan.

Pero balitaw lain pay ato, inka taymingan lang gayud na sunod sunod an pagkuha
kanila nan Ginoo.

[kampanaryo_spy]

yang, abihay mo? an ga timon kuno nan yaon na batang may cellphone. tapos yang, an mga yaka iskedyul na marut-ok na tagon-on, ya ka phonebook. tapos yaon yanagpakalista sa iya phonebook, iya miscolan. haw imo tubagon, dedbol kaw.

naman kadaghanan kuman cellphone sa tago yaka off.

lain pay komedya yang, grabe gayud balitaw na kamatay sa tago kuman. si mana amie (one of my few brilliant students in graduate school), ika 11 na kuman na buwan; kibale lugar isa dakay kuwang iska dosena na. naman kaina kuno sa simbahan laong ni susie, ga bendeta si fr. ricky nan gamay na kahon isip pagsumpa nan inin kamatay ngadi.

[toyang]

yang, abihay mo? an ga timon kuno nan yaon na batang may cellphone. tapos yang, an mga yaka iskedyul na marut-ok na tagon-on, ya ka phonebook. tapos yaon yanagpakalista sa iya phonebook, iya miscolan. haw imo tubagon, dedbol kaw.

K-spy,

Aduy taraw nan tama na batang ga inapang apang sa gayud nan pagka hi tech niya
kay de cellphone pa sa baya aton. haraw kawad-an nan signal para maingas aton batang.
basin an ika 12 na miskolan niya an mag maga supply nan load sa iya

[kampanaryo_spy]

K-spy,

basin an ika 12 na miskolan niya an mag maga supply nan load sa iya.

yang,

bagan yaka-PLAN siya; post paid lugar naman gapatuyang panawag.

[toyang]

K-spy,

Ayi! ka sosyali pa sa isab taraw na batang. dimodo an cellsite dakan amuy hatsahan
kay para wara nay iya signal.

[edpels]

hehe. amo gayud inin kinaiya nan mga pinoy. amidst our sorrows and mourning, we always find amusing thoughts that could somehow lighten the burden. and this is it, stories that make us speculate, laugh or fear of the unknown well, only God knows.

[kampanaryo_spy]

amidst our sorrows and mourning, we always find amusing thoughts that could somehow lighten the burden....

edpels,

“Unhappiness---or in this case, tragedy!---has comic aspects one should never underestimate.” *from the movie Moliere*