mga obserbasyon ko nan pasko 2007

[kampanaryo_spy]

1. gamay dakan an ag mosimba nan misa de gallo. siguro kay gawas na mahagkut kay permi ga bunok naman an tao ganahan ma pisok, mga pa-u na sa lagi na kaba-kaba inin mga batan-on kay manag bilar sa gayud sa karsada obin sa plaza. naman an ag mulutay pag simba an mga hinuod dakan astan mga past 40.

2. wara nay uso nan christmas songs. di pareho sa una na november pa may ag na magpa tukar nan christmas songs, kuman ningari. siguro tungod kay wara na say lagi stereo (maharani, amihan, etc) nan mga kabayan kuman. tapos kon mga DVD, CD, MP3 players isab, dali-i da sa lagi maguba. bisan mga FM stations panagsahi dakan mag pa tukar nan pasko na mga kanta.

3. gamayi dakan isab an ag mag dekorar nan christmas. siguro kay mahali na sa lagi inin mga dekorasyon. di pareho sa una na ginit da nan niyog obin papel de hapon fight na sa dayon an christmas star ug lantern.

bisan mga christmas lights gamayi dakan gayud an kit-an mo na ga montar.

4. pero an ga-resurge kuman an carolling. ay, ay tinagpaya na mangarolay kuman, inday diin yadto na mga lungag manggikan. tapos duda ko yanag strategic planning inin mangarolay kay inbungkag nila an ila grupo into duha or tulo, tapos palup-an nilan tibuok tago. di ba sa una isa sa gayud ka hurum-huruman an manganta? kuman dili na: tag duha, tag tulo dakan. naman an ideya isab nan kabayan tag singko da isab an ihatag.

5. gamayi dakan isab an ag magpabuto. di pareho sa una na pagpanguli gayud nan mga bakasyunista na estudyante paka sa gayud kada dum nan binutuhay. kuman neeeeee agad badi. panangsahay agaw. agad dakan kanyon wara gayud. siguro kay mahal sa lagin kawayan kuman naman.

may yanagpabutohay nan yadton dec 24 and december 31.

6. inday kon may yanagbitay pa nan medyas. basta ngadi sa bay wara na kay wara na say bata. tapos yadin amo bigwis di pa sa ka-sabot nan santa claus astan medyas.

7. pero an pinakamadayaw amo ini: tapos siguro nan baynte ka tuig, kuman pa gayud kami maka bag-ong tuig na lamii an panahon. balikon ko, LAMII! sugod nan buntag nan dec 31 daan na gayud gapakita an suga hangtud minsawup nan hapon. pagkadum, punu-i nan bituon an langit, hangtud na ga bag-ong tuig. pecha tres na nan enero ga bunok. yabawi kay nan dec 24 graben uwan, bagan matastas nan langit nan way bugto gayud na tinir-isay sa taas. pero punui kuno gihapon an simbahan nan katoliko laong ni japan. an iban yanagda na ngani nan ingkudan kay di masih-sih an tao.

8. siguro sa sunod na xmas dapat may magpa si-ugda na gayud nan kalihukan na mabalik an kabibo kay ka ilo nan inin mga bata kuman, dili maka eksperensya unoy tinuod na kasaulugan nan pasko.

[Insomada]

Salamat Kamps for your melancholic views on Pasko 2007. Pagamingaw ako na gabasa nan imo post.

I could very well say, dunno if you will agree with me that all of the above could be attributed to economics. Economic condition of our country is the culprit. Kamingaw palandungon gayod.

Gaplano pa raba taraw kami ni Saps na manguli puhon sa fiesta or pasko ba hinoon this year. Hinaoot bindisyonan ni Lord an amo plano. Magpasi-ugda dayon kita nan mga kalingawan thru your stewardship.

[Alibangbang]

K-Spy,

Pamati ko pait-tam-is (hangad sa langit, duko sa lupa...yang hupaw)

[kampanaryo_spy]

insoms,

sige lang, uli lang kamo. kay bisan uno ka "mingaw," christmas is always best spent in your hometown, if only to relive memories of things past.


abb,

yes, reality bites!

[iCeprIncEsS]

insoms,

sige lang, uli lang kamo. kay bisan uno ka "mingaw," christmas is always best spent in your hometown,


!

i agree k-spy - my best Christmases were spent at home - noche buena sa bay, pasadoysadoy nan batch sa dan nan tago tapos yaghouse to house maski bosugi na, reunion with family and friends ..maski nan sa Cebu ako, magdumdum ako kay lahii da sa gayud..siguro kuman na tuig an pinakamingaw kay kami da nan ako bana an gatinan away, yangatog dakan tapos wara say uso nan noche buena

[kampanaryo_spy]

ice,

tinuodi. naman pag tipon nan diyoy ngaton para ngandi kaw mag pasko kuman desembre puhon.