Laong nila an taga Tago kuno para-away pero hanugay. Mamingawuni naman ganahani mandahap-dahap nan notisya. Naman ini na pabyon inhimo para kita na mga Tagon-on magkasinusihay, magka-binayluay nan mga gilaong, nan notisya, nan kaayuhan.
Kapanahunan na BELUCOS (Bebiana Luna Cosmiano) sa Falcon Memorial Elementary School. Kada tuig may ila pagatawag na staff development para sa mga maestra. (Kuman na panahon pagatawag na ini na INSET or In-service Training.) Kasagadan himuon an INSET kon summer kay libre sa an mga maestra.
Yadto na tuig, an INSET Mathematics. Lain-lain sa gud an focus nan INSET kada tuig para ma "well-rounded" an mga teachers. Naadi sa gud bisan uno na subjects an pahandulan sa mga maestra, dili pareho kuman na may area of concentration na gayud, parehas lugar haw math teacher kaw, math teacher da kaw gayud.
maarang sa BELUCOS na ga math training nan yadto na summer. kada topic may check up test. isa ka adlaw, in pa solve sa BELUCOS nan problema. An math problem ga involvar nan baruto na gadagan uyon sa sug. Given an distance from San Miguel to Tago, given sab an kakusgun nan sug asta nan kakusug mo bugsay nan ga ulin. An ipa solve: pila ka minuto o oras adesir mo abot sa Tago.
Paga grupo sila, tapos sa grupo na BELUCOS may mathematician, laktud ma-mah-ma-mah da nan grupo na BELUCOS an problema. Kumustaha bulaw kay an sunod na in pa solve kay magsungsung na sa isab an baruto sa sug, with all other things remaining constant. Sus tagbaya mais an huwas nan mathematician sa grupo na BELUCOS. Tapos masamu ni BELUCOS na galisud an ila sinaligan, impangutana ni BELUCOS haw makaya niya solvon. Laong nan ila sinaligan dili.
Ina-a pa, laong ni BELUCOS na yamuwa an ginawngan nan kalangut. Indud niya an lecturer.
BELUCOS: Sir, sinoy ngan nan ga-ulin nan baroto? SIR: Kay nanga? BELUCOS: Santakuhan ko an sigbinan! SIR: Kay nanga sa santakuhan mo sa? BELUCOS: Imbis kay sayon da mag uyon, haw sali niya sungsunga iton sug, di aton kuman kita an ga problema! Anhi pa lang an mananap, kadayaw ihu-om sa suba para mag buro-buro nan iya ka bilyako.
"Most claims of originality are testimony to ignorance and most claims of magic are testimony to hubris." -James March-
It works. Arang ko na katawa nan inin imo gitik-gitik. Malisudi gayud agaw kon sugaton an sug nan suba.
Makadumdum sa lang ako kan Tatay naadi na magbaroto gikan sa sabang nan Libas pasingud ngadto sa Libas Sud, an baroto lugar punui nan amo mga tinda kay magtinda sa kami sa ilaya kon tig-ane, amo-amo na an iya pagpa-igo na bisan sug-gi an suba, sige lamang gayud an kambyada nan bugsay, kaliwa-tuo, hangtud moabot da gihapon ngadto sa pangpang na amo kanauganan kon mangaligo sa suba nan Libas Sud (na may yaligo isab na kabaw ngadto sa pikas na kilid-pero matin-awi sa an tubig).
kampanaryo_spy wrote:(as related to me by Tito Vols Luna)
Kapanahunan na BELUCOS (Bebiana Luna Cosmiano) sa Falcon Memorial Elementary School. Kada tuig may ila pagatawag na staff development para sa mga maestra. (Kuman na panahon pagatawag na ini na INSET or In-service Training.) Kasagadan himuon an INSET kon summer kay libre sa an mga maestra.
Yadto na tuig, an INSET Mathematics. Lain-lain sa gud an focus nan INSET kada tuig para ma "well-rounded" an mga teachers. Naadi sa gud bisan uno na subjects an pahandulan sa mga maestra, dili pareho kuman na may area of concentration na gayud, parehas lugar haw math teacher kaw, math teacher da kaw gayud.
maarang sa BELUCOS na ga math training nan yadto na summer. kada topic may check up test. isa ka adlaw, in pa solve sa BELUCOS nan problema. An math problem ga involvar nan baruto na gadagan uyon sa sug. Given an distance from San Miguel to Tago, given sab an kakusgun nan sug asta nan kakusug mo bugsay nan ga ulin. An ipa solve: pila ka minuto o oras adesir mo abot sa Tago.
Paga grupo sila, tapos sa grupo na BELUCOS may mathematician, laktud ma-mah-ma-mah da nan grupo na BELUCOS an problema. Kumustaha bulaw kay an sunod na in pa solve kay magsungsung na sa isab an baruto sa sug, with all other things remaining constant. Sus tagbaya mais an huwas nan mathematician sa grupo na BELUCOS. Tapos masamu ni BELUCOS na galisud an ila sinaligan, impangutana ni BELUCOS haw makaya niya solvon. Laong nan ila sinaligan dili.
Ina-a pa, laong ni BELUCOS na yamuwa an ginawngan nan kalangut. Indud niya an lecturer.
BELUCOS: Sir, sinoy ngan nan ga-ulin nan baroto? SIR: Kay nanga? BELUCOS: Santakuhan ko an sigbinan! SIR: Kay nanga sa santakuhan mo sa? BELUCOS: Imbis kay sayon da mag uyon, haw sali niya sungsunga iton sug, di aton kuman kita an ga problema! Anhi pa lang an mananap, kadayaw ihu-om sa suba para mag buro-buro nan iya ka bilyako.
