"SITI" CLOSES ITS DOOR

[toyang]

Saktohi kaw K-spy "Lau" siya. sus dili da kun kan sebyo basa da hasta pa gayud kan Anoy. inday kun yakakila kaw nan inin si Anoy kay manghud maguwang sa yaon sila ni SEbyo. wa na connecting flight na iton. bwahahahahahahahahahahahaha

[kampanaryo_spy]

'yang,

si anhin ya caming luna an iyo principal? sino pay lain na mga maestra nan yadto na panahon?

anhin taga siti isab na adto na sa california kuman sige kay bagan nan pahipi. ako yaniid sa lang.

[toyang]

K-spy,

Oo si ya Caming Luna an Principal namo nan yadto.Si ya Duet isab Laurente maestra siya ngadto hasta si Mrs Ang na mama ni Emma Ang.amu da yaon sila an inka dumduman ko na maestra ngadto sa una. wow! gadapog baya an Laurente na maestra ngadto. pagka grade two namo, adi na kami sa bongtod ni auntie. butod na sab an sungog sa amo di na haw iti.....Bagan si Allen Montenegro did-on kay bagan siya mag elementary sa siti kadumduman ko yaon siya kay ka batch siya ni uncle lolong. Si Allen bagan an ila veledectorian nan grade six sila.

whoooooooy inday taraw anhin adto sa california na wara na sa magpa ugintok. sayud nakaw sa nan yaon na magapa puyo puyo sa lamang. usahay mag maga email kanako pero matay mag ako mangambaw kay hayupoi da an luon. kibale hi, hello, babye! wow kibale tex. grrrr! amu da lagi nan pirmi isab gadali. An iya rason, minsalikyat lang siya pag gamit nan computer kay pirmi kuno okupado nan iya unica iha.

Ay na k-spy, di pa ako mahibawo mag lain nan color nan inin mga letra nganhi kanaman pasensya dakan kun malibat kaw pagbasa....

[kampanaryo_spy]

K-spy,

Bagan si Allen Montenegro did-on kay bagan siya mag elementary sa siti kadumduman ko yaon siya kay ka batch siya ni uncle lolong. Si Allen bagan an ila veledectorian nan grade six sila.

allena anhi 'yang? inutot ta da sa iton si allen nan kamanghud. aduy bagan inmino kay kaw nan inin acacia ngad-on naadi. hahaha

an principal namo nan yadto sa falcon si mr. gujilde, tapos si ya dowet laurente na dayon hangtud yang gradweyt kamin grade six. tapos an iyo bagan sa bongtud si mommy betty hereuela, amo?

[toyang]

K-spy,

lain siguro yaon paga laong ko na allen montenegro kay taga soong bagan yaon cya. basta may allen lagi na ka batch nan ako uncle ngad-on sa siti. kun wara ako masayup bagan parente pa yaon cya na tata montenegro hasta ni freddie montenegro. sus basta kay yaon lagi.

Oo si Maam Betty na yadto an amo principal sa bongtod tapos siya isab an amo maestra sa music.

[kampanaryo_spy]

'yang,

kabakamonton haw sino aton na allen. an importante na 3rd kaw baya nan grade one kamo.

[Alibangbang]

K-spy,

Bagan si Allen Montenegro did-on kay bagan siya mag elementary sa siti kadumduman ko yaon siya kay ka batch siya ni uncle lolong. Si Allen bagan an ila veledectorian nan grade six sila.

allena anhi 'yang? inutot ta da sa iton si allen nan kamanghud. aduy bagan inmino kay kaw nan inin acacia ngad-on naadi. hahaha

an principal namo nan yadto sa falcon si mr. gujilde, tapos si ya dowet laurente na dayon hangtud yang gradweyt kamin grade six. tapos an iyo bagan sa bongtud si mommy betty hereuela, amo?

Insom,

Hala taraw palihug pukawa naah aton si Classmate haw pangutan-an kon sin-oy ila balidiktorian nan grade six kay pati isab ako ini ya intriga hahahaha

K-Spy... aduy yamat na toyang.... Yang, bata ini "amen" naay kay orasyon na

[gapalibatlibat]

spy, yakalimut nakaw baya kan Allen Montenegro na anak gani ni 'Ya tanyang taga Soong. UCCP ini sila tapos valedictorian isab siya sa PVA. sakto bagan batch sila ni ABB. kila ako ini kay pirme maglabay sa bay nan gamay pa ako tapos sa simbahan isab. may iya gani manhod na si Almar? basketball sa una nan TAAA??? sakto ba?

libat

[kampanaryo_spy]

uh-hmm....sakpan kaw libs! permi dakaw baya gapahipi, amo?

aw uno "portis" baya iton si allen? baya-baya ya bala inin panumduman ko kuman. di kay gayud ako libs kadumdum. galing kay taga west sa lagi kamo, ako taga south sa naman. (hahaha yangdahap-dahap nan rason) kutob da ka reynabeth an kadumduman ko na batch sa PVA. aw bueno ka gayle quinonez sab agaw kay ka-batch sa ni benjie.

na hala. madayaw libs na ya "align" na iton imo panan-aw nganhi sa website ta. magbubisita dakaw lang, amo?

[Insomada]

Sus naa pa kay yahuli na isab ako. Kamingaw ini na balita mga kaigsoonan. Wara gayod ako mahibawo na ga close na an Siti. Yes one of the piooners of that school was Lola Caming. How could I ever forget the gregarious Lola Caming. When I had here as the first reader during my wedding, everyone was captivated by her for she was like declaiming.

Sus daan magpidipidi inin classmate ni Abbs kon storyahan ko kay iya ini Alma Mater. Pinanggae sa siya ni Lola Caming kay buotani sa siya na student, he, he.

[toyang]

Libs, pasabatahay naay ako kadali. (Wow! pangadyi baya kay mosabat sa.) Oo libs saktohi kaw manghud niya yaon si Almar. dili ko sab kalimtan inin si Almar kay bestfriend sa ini naadi ni Mario Oliverio kay sali sa sila magkagubot sa una ngadto sa bongtod. bakamonton dakan nan detalye basta amu na yadto.

K-spy,

Iton kay, madayaw ngani minbutwa si palibatlibat may ako na proof na existing gayud inin si Allen or Alyn Montenegro na taga Soong.

Abb,

Bwahahahahahahahahahahahahahahahahahahahahahaha nagay-an na ako
"amen" nan magaka alas sais na nan dum kay ting pani-udto pa ngadi sa amo. hahahahahahahahahahahahahahahahaha sakpan na galing ako anhi.

[kampanaryo_spy]

How could I ever forget the gregarious Lola Caming. When I had here as the first reader during my wedding, everyone was captivated by her for she was like declaiming.

ay, ay sinabi mo pa insoms!

one of my well-loved "comedy" pieces is an impersonation of 'ya caming's conversation with her apo in the states and her eulogy for your cousin myrna casio (1st wife ni manong mar luna). declamation an delivery, complete with hand gestures gayud yaon. basta iton si palibat-libat pagsuhulan ako nan iton pagpabalik-balik nan yaon. mag grupo na gani kami haw mo aligmaat ako paglaong na: MINSANTOP SA HUNA-HUNA KO-----sumpay dayon sila tanan nan----THIS IS AMERICA!

hukad na dayon sila nan kinatawahay.

pag uli mo ngadi declaiman ta kaw nan yaon. favorite sab yaon na piece nan mama ni mimi.

[badung]

K-spy,

Inin eskuylahan na "Siti" may tipik ini sa ako kasing-kasing bisan wara ako maka-eskuyla ngadto. It's because of Mrs. Caming Luna. God bless her soul.

When I was in grade 6 sa Bongtud, our teacher was Mrs. Nonila Luna. When it was near graduation time, Mrs. Noning Luna sent me to see Mrs. Caming Luna para mag-praktis nan valedictory address. Si Mrs. Caming Luna ang gahimo nan ako valedictory address upon the request of Mrs. Noning Luna. Wara kabalibab kay Luna sa lagi. Besides, madayawi sa isab sila anhin Yo Juan kaig ka Tatay kay pinanganak kuno sa Tatay sa kasal.

The valedictory address starts with this: "Today marks the culmination of our six years struggle in the elementary grades." It was beautiful. Sayang wara nako mahitago.

I am forever grateful to her for being part of one of the milestones in my life.

[Insomada]

Kamps, amo ba? Ay, ay, yakadomdomi pa sa kaw gayod nan iya eulogy kan anhin Mana Myrna. Ako gani na kawsin wara na makadomdom. Amo lagi ako da e post nganhi sa sunod an picture niya na gabasa na hasta an alima ga action.



Bads, mere coincidence ba ini or what? That was my prefatory lines too for my val address. Exactly! I could very well remember the "today marks the culmination of our six years struggle in the elementary grades." But mine was made by Papa. Siya sa permi an maghimoay nan ako mga speeches or any of this sort nan elementary before. Papa's forte was public speaking and writing as well. His skills in this area were honed further by his 20 year employment as secretary ni anhin Manong Bebing Falcon. Kaya koman na hapit na pista nan patay pagamingawi gayod ako. I'm still grieving inside. Sorry guys yahilawod ako.

[Insomada]

Insom,

Hala taraw palihug pukawa naah aton si Classmate haw pangutan-an kon sin-oy ila balidiktorian nan grade six kay pati isab ako ini ya intriga hahahaha


Abbs, inpokaw ko na an classmate mo. Yahibawo na baya daan siya na ga close na an siti. Just like me inmingaw isab siya kay iya god alma mater. Mabibohi sa kuno an siti nan time nila. Pangutan-a si Lolong. Permi kuno sila bisitahon ngadto na E, M, DO etc. Pangutan-a dakan si Lolong kon sin-o an ila valedictorian kay yakalimot an tagtungod, ha, ha, ha.Got me?