Sud-sud, Trudin, Ibu, winner, Syatum, Dait-daitan ug iban pa

[atat]

hello fellow tagon-ons: nganhi niyo isaysay an ato mga duwa sa unahers... na panagsa dakan duwaun nan mga generation kuman tungod nan innovations nan technology....

sa amo panahon kami na longkoy , athan, bernie, mana carol, wensie ug iban pa na pato permi kami mag dait sa may sapa... sa likod nan bay ni lolo fidel. pagkadum mag trudin sa karsada....

[terapi]

kami sab sauna kay mag ibo dayon na tibuok tago an daganan dugayi madakpan an iban pero mabibohi.. sus kay c mader grabe sa ka kj permi kami sinitsitan hasta kuman bsan dagkui na dili ghapn puyde mokadto sa tandag kun dum para mogimik...sus gayd hehe

ngad on sab sa iskina nila steve, ka gonyang ad on kmi mag tago tagoan..magdayn magtruden gkan ka ya peryang hangtud usahay sa post ofis abot basta mangapil an tanan taga calamansi..

usahay adto kmi mag ik ikan sa bay nila tommy medrano kun wara si mana susa pero wara nasa kuman ila bay..

[cordapya]

TATS may KUDING-KUDINGAN pa. inday kon may kuding-kudingan pa nan iyo mga panahon. Ini na duwa mabibuhi abo na kon gamay na circle tapus hamok na participants. Circle siya na may linya sa tunga. Kon ikaw kuding, kon sin-o an imo madakop amoy sunod na kuding. An kuding mag-agi da sa linya sa tonga ug sa circle, an participant sa sud nan circle da gayod kon makagawas gani mahimo isab siya na kuding. So next game siya na isab an mandakop. SYATUM, kadumdum ako na mga imported an amo "syatum set" gikan sa Diatagon. Made of rattan. SUD-SUD isab - tag upat ka paris an ako bakya. an strap gani clear na plastic tapus an kasko sinilakan na kahoy, pinalit sa bol-anon sa tiyangi. DAIT-DAITAN may ako bahay kobo between nan bay namo hasta bay na iya Ziola Soriano. Si Sabilyo an panday nan dait ko made of nipa na linigpitan. It took a week to build my dait. An mga kaldiro ko(set) made of clay mga gamatoyay isab, pinahinang ni Mama sa Snas (San Miguel). An ako anak-anak (12" doll) completo nan bado, pajamas, blouse, duster, etc. tinahian ni Rosette. nan mga subra nan ako bado (tinabas) so permi kami terno nan ako anak-anak taraw. Lingawi ako nan yadto na mga panahon. TRUDIN was not my trip. Kay makakosi-ay sa nan bado, kay kon amoy kahawidan, lagtas gayod. Kaisgan sa ako ni Mama kon paguli ko magkagidlay na an bado ko.

[*imesh]

kami nan grade three permi SUDSUD an duwa. bastakay an lupa lagi lawomi na an agi nan linya nan sudsud bisan kauwanan di mapapa an linya. tapos mamunit daun nan lapad na bato na dagkui. an amo peborit na ilog ilogan namo na kagrupo si Langging (vanessa batch '97 sa PS) kay listuhi tubson daun kami. usahay sab mag truden kami si Langging gihapon listuhi kay lusot lusot da. haw mag chinese garter sab si Langging gihapon...bastakay mahalini ini na bata kay lupad lupadon lagi an taasi na garter...tumbling tumbling lagi dayun...

si Langging permi...lagi nalang akO, akO, akO

[atat]

hello ms. c, kahapon pa kami abot gkan sa tago. gabasyunay taraw kami agad 4 days da. gaabot kmi ni auntie ningay and family. gakita isab kmi ni auntie kitty and some of the pato's. thursday night yanabat kami nan novena. ga beach pa cla sa mahayag pagkaclom sa cagwait na isab. wara lang ako makaiban nan sabado nan dum despidida ni lolo acoy para sa mga taga cebu sanan riyadh late na kmi ni henrik yakauli gikan nan lubong ni iyo nobing... wa dakan kami muapas... gakita isab kmi ni sr. bibiene sa church after nan funeral mass.... lipayi gayud c mama balan kay inkatagaan cya ni lolo acoy isa ka sako na bugas....

[sebyo_basa]

sa una, tapusok pa yaon tiangge kuman. an mga bay may mga latayan na sinumpay gikan sa dike na semento. nan mga late 70's and early 80's paga reclaim nan draga yaon na area. yahimo dayon yaon na halapadi na buhangin na sa kadugayan yabantok. kay bantok na sa, lamii dayon mag taksi-an ug mag palabay.

sa ako panahon, di naw uso an taksi nan sarsa, kwarta na gayud. listuhi ako. kon waray ako puhunan, pabuslon dayon ako nan ako classmate na may tindahan sa karaan na tiangge (yaon terminal na kuman) nan dako na singko (amoy ako yaon basiyo) tapos puhunanan ako niya nan lima ka singko na giring-giring. igo mahuman an hapon, daugani na ako. yadto na galing ako dayon gadapaw ka alondoy nan yaon apa balitaw na linukot (banig an ngan nan ini ni ya laling curada na ina-on ni cordapya).

yahibawo kamo unoy palabay? parehon taksi, sugal gihapon inin palabay. sa unahan ngadto mag linya (kibali ga tactical) an iyo mga taya. sa atbang may kalit. muhaway kaw haw imo ig-on an taya pasingod ngadto sa kalit. kon mu lapos gani imo na dayon an kwarta. dili kadayaw ako ganahan nan inin palabay kay pagkasilom, di mo mahunat an imo alima nan panda-o. kibali kaw inhubagan nan 5 million ka buok sa imo ilok.

uso na isab daan sa una an gira nan saging-saging. inin saging-saging (self explanatory) amoy imo ibala sa tirador. adto mag-gira sa pangpang (tago river) kay arangi sa na kasanihan, adto kami mag lina-ap laap nan tinaguay taraw. haw mahurot nan saging-saging, gira na isab nan bagal. kon maligtimi na ngani kami nan igo nan bagal, musawom dayong kamin kinaliguay sa suba.

sa mga dagko, way uso nan saging-saging. an ila ibala sa ila tirador (hinimo sa alambre) bagon. lagapak da haw ig-an kaw, makudu. tapos an labhag ALPHABET. mulaong dayon: uno yaigo kaw? mutubag: oo, letter S, o di ba letter V.

inin gira nan bagon amoy hinungdan nanga may gang war nan 70s batok sa taga silang astan taga sapa. basta dili makalipot an taga silang sa tunga nan lungsod kay yanag-atang an taga sapa, ready an ila tirador astan bagon. alkanse an taga silang kay ad-on sa gayud sila mupalit ka villamor o di ba ngadto ka insik santos o ka daly montero na atbang na villamor. pero kasakpan pa balitaw nan taga silang an isa na taga sapa (si lalo luna bagan), gapusa pa kaw ngadto sa silang haw pag-target-targeta nan bagon, basta an labhag ni lalo singkitar kaniya paga tattoo-an.


tapos ag sab kami magdait. magsun-ad sa lata nan liberty ug mag luto nan sud-an. gikan ngad-on sa shed nan purok tambis hangtud ngadto ka oliverio, tindahan nan bugas astan buwad na iya taking boloron, na totong arijola ug yadto pay marsamolo. mag operation dayon kami. mulabay taraw sa gabundo na bugas haw----oppps---hakop dayon haw ibutang sa bulsa. pag-uli nan yaon namo sa dait, sinun-aday gayud, asu-asuhan na taraw an abo. an mga ginikanan namo isab unsay mga adjutant: MGA ANIMAL! MASUNOG NGANI KITA, PAMISPISAN TA LAGI KAMO. kibali manok!

bagan mabibo da sa una an duwa kay may interaction, dihaw parejo kuman na isa-isa da kaw abay atubang nan ini tama na computer, pareho nan pagahimo ko kuman. naman mu-oli na ako kay mag taksi pa kami. galing kay hurot na sa lagi semento an tago, dili na puyde.

[pispanero]

an dili ko kalimtan na duwa sa una kaw an sud-sud, baboy-bayoyan ug luthang. very memorable iton sila kanako. ako i say-say nanga sa.

a) sud-sud---- kay listohi sa ko. master na gud yaun nako. usahay gud dili ako makapaniudto kay magduwa nan sud-sud. sayohi taraw mo skwela nan elementary kay magsud-sud. kanaman reklamohi gayud si mam pareja ug si mam blasco sa amo klase kay mga mabaho ay nan suga ug huwas.

b) baboy-boyan---- usahay tawagon ini na buwan-buwanan usahay sab kay kuding-kudingan. i agree with cordapya, mabibohi ini na duwa abo na kun maarang na participants.

c) luthang----- kriminali ini na duwa. tungod nan ini in kabangaan ako nan ido. kay maisugi lagi taraw, yangandam taraw kami yadto kaw mosulong an mga taga bungtod sa purok kalamansi. an iban lugar na kabataan waray luthang so yanghanap kami. inmabut intawon kami sa soong nan humanap. iton kay yapad-pad sa kami ka mam peling montenegro na kay maarang sa baya nila na ido, basta kay lanta pa kaw kami buslot lagi ako shorts. wara pa gayud taraw ako ulit kan mother earth kay basin hikasakitan ako. sus pagkasilom inkadtoan ako sa bay nila ni mam peling ug sir tatong. ya buking na hinoa ako.


actually maski uno na duwa mabibohi sa gayud abo na kun duwaun sa purok calamansi cabrera street kay very participative an mga tao ngadto. managhugpong gayud dayon kun duwa na an istoryahan.

basta hangtud kuman dili ko kalimtan na ako mga playmates sila ni jingle murillo-luna, sila ni nanete medrano, sila si len len medrano, si balon, basta maarang pa. magkasugat kinta kami kuman makatawa dakan ako sa amo mga kabuang sa una.

[Aprodite_Erra24]

dili gayud nako kalimtan an tubig-tubig ug buwan-buwan kay grabe namo kabibo nan ako mga manghud ug mga cousins sa tunga nan karsada nan bag-ong lungsod kada summer... Masakit na an ako lola kay humana kami mag-punas, yadto, yanag-duwa na sab sa tunga nan karsada...Haaay, lamang yadto na panahon.

[COLETZ]

ako big fan nan chinese garter. anay pa labaw sa ulo na an kahataas kaya da... mag-cartwheel baya... hahaha! syempre girls, sigpalistuhay gaud. madayaw kay isab adto na exercise.

isa pa an dait-daitan. sugod pa nan panahon nila ate (baby pa lugar adto) hangtud mga 1st yr high school ako, kada summer gaud yaon. syempre dili mawa an luto-lutuan, an permi sud-an angsuhan kay amo say pinaka-affordable lugar, o kaya noodles. an kan-on kinawat-kawat da sa bay, amut-amutan taraw.. hay! LAMI-i sa gaud yadto ikaon..

of kurs, dili mawa an sud-sud, ik-ikan, tumbalata ug shatum. hay!~ kalistuhi ko bagan nan ini na mga duwa. panagsahi da sa ako madakop adto.

whew! those were d days..

[ranz_ikov]

experience ko sab yaon ng mga duwa, makamingaway amo? yaon gyod pag abot nan dum, man lugwa n dayon ang mga kaduwa ko, na mga silingan, tpos magtapo kmi sa espinozas street, tpos sugud na dyon, ibo naa an unahon tpos abot2 kmi sa plaza, tpos paghuman trudin dyon, kon dili tagu-taguan, bsta kay mabibohi, pro kuman wara n yaon ng mga generation, waray nay mga bata na magaduwa sa amo atbang or sa amo street mingaw n gyod inday uno, yaon

[moneth]

hummm...bagan sa an trudin na gapisay...amoy dili ko gayud kalimtan...
kay kada ko uli sa hapon...permi gisi an bado...madayaw
gani sastri an lola ko may chinese garter and chinese muslim pa sa gani adtu...uppsss...bagan sa ako pa adto yaon na mga panahon...sus..grabehi ko na gayud taraw anhi kahinuodi...
kuman wara na kay maarang na kalingawan kuman agad yaon dakaw sa sud nan bay...
maarang na an may tv...an magic mic nila...mahadati na...dili kun
haud sa una..makabati sa lang ako nan tukada kun may bayli sa bungtod sus...bisihi na dayun taraw ako nan yaon abay...silib nan manlabayay...syempre basin lugar molabay si kuan...tapos mahikugpa na sab jukkkkkkkkk...
yeah right coletz...those were the days :
tara ibalik ta..hahahaha...

[ranz_ikov]

yaon pa gani kalimtan ko yaon combat sa skul, basta kay madayawi n duwa biskan sakit pero enjoy, yaoy ako klasmeyt s purisima gaduwa kmi nan combat, cge sa sya tan aw sa likod niya para makalikay kon bun-on n sya nan kalaban, na kay yaoy bya poste nan sa volleyball sa ground nan purisima, wara sya kabantay, basta kay pag atubang da niya yapakog sya sa poste, inkabutuyan sya sa bayho tunga-e rba iya botoy tpos gataas, tpos undang dayon an duwa, kay kinatawahay namo, tpos nan elementary mag fight an bongtod ug falcon nan combat, n kay mga maro an mga taga bongtod an bola butangan nan tae or tingog para ibuno sa taga falcon, basta kay surrender an taga falcon, kay nasa kuno an ila lawas baho nann tae, hehehe

[*imesh]

yaon pa gani kalimtan ko yaon combat sa skul, basta kay madayawi n duwa biskan sakit pero enjoy, yaoy ako klasmeyt s purisima gaduwa kmi nan combat, cge sa sya tan aw sa likod niya para makalikay kon bun-on n sya nan kalaban, na kay yaoy bya poste nan sa volleyball sa ground nan purisima, wara sya kabantay, basta kay pag atubang da niya yapakog sya sa poste, inkabutuyan sya sa bayho tunga-e rba iya botoy tpos gataas, tpos undang dayon an duwa, kay kinatawahay namo, tpos nan elementary mag fight an bongtod ug falcon nan combat, n kay mga maro an mga taga bongtod an bola butangan nan tae or tingog para ibuno sa taga falcon, basta kay surrender an taga falcon, kay nasa kuno an ila lawas baho nann tae, hehehe

hain sa kaw mahi-belong ngadto?

[ranz_ikov]

kaw gayod imesh, kasaydan mo na dyon kon hain ako g skul, para dayon kilahan m n ako,, hehehe, naman gani wara ko imention dba, careful lmang ako....... hehehe........... btaw hain ako maibelong sa kapamilya bgan ako, ,,,,,,,,,,,hehehehehe.............

[COLETZ]

Moneth:
sakto kaw gaud.. dili na kdayaw amo yaon a mga aktibidades nan mga kanatan-nan kuman. amo da nan kasayuhi nila mga daga. an tv na sa isab lagi an ila kalingawan kuman. dihaw parehas nan una na way sa gaud lugar, me tv agaw pero way cable. kanaman duwa gaud an permi bgaatiman... hay! kamingaw!