Lumad na Tinagon-on

[kampanaryo_spy]

abb,

waray "baki" na tinagon-on, gawas haw sumpayan mo nan lain na "ki" para ma bakih-kih, which is the synonym of 'sud-sud.'

dugay kaw galing sa cebu or manila kay insagol mo sa ato lumad na tinagon-on an iban na mga sinultihan. agubalang is gila-gila sa tago, di ba? unoy daranghita? ukban (citrus fruit)? definitely waray kasoy sa tago. or is there? aduy kajawa hahahahahaha.

yaton impada ko pagbalik an PM ko naadi. hala sambilawa naa aton. tapos haw busy kaw, kabakamonton lamang panubag, okihirs da ako nan yaon.

peace and love. always.

[kampanaryo_spy]

santimaan kaw, ya papa ko an entrada ni ABB. amo lamang, pasayloa sila mga higala. bon, unhon yadto pagbalik?

sorihi abb, may yatuslok ko siguro.

[Alibangbang]

K-spy,
I stand corrected. Thank you Sir... Sakpan mo ako. Saksak sagol lagi an lu-on nan u pero koman bagan anhi medyo compartmentalize na. Kay an sinultihan an amoy ato inmathan dili sa gayod kalimtan diba? Ag lang usahay marambol. Kanaman balik sa phonics 101. Uno san dukhi-khi? Katawa ba na pinug-ngan na kon dili na gani ka antos dalikakas dagan kay basin "we wet our pants?"

Iton dakay dinumdumay ko gayod mahadat na. Gila-gila saktohi. Sakto kaw gihapon daranghita is a citrus fruit. Gamatoyay pero tam-is.

OO nan una may ngadto sa unahan nan bay kasoy na intanum ni anhi Lolo. Panagsahi da ka kaon nan bunga kay ag sa lagi ubrahan nan kagi. Bagan isab raot an lami kay ag ma ahat. Unahan sa lagi an kagi di pupu-on bisan dili pa kon gilagila. An iya liso yaon sa gawas nan bunga. Sus inday basin paga pila na seguro adto paga hino na lo-ngog (fire wood).

May pm aton na. Utrohon ko da yadton yatanak nan Bernes.

Abb

[cordapya]

Matay gayod nan inin imo "duk-ki-ki" na word hasta "pinog-ngan" it reminds me gayod nan mga yahitabo na kataw-a-nan.

Isa kapanahon, praying kami, tapus si Iya .P....... gikan pa sa banyo kay gikan mangihi. Not knowing na an tumoy nan iya skirt inkaligpitan nan garter nan iya panti. Gapanawpanaw taraw siya sa kosina not knowing na an iya labot amo an amo pagakataw-an. kami na sa sala ya-ngadji pinogo-ngay nan katawa kay yangadji sa lagi. Inin ako isa ka pariente, tungod grabi sa lagi an pugong, yaka-otot. pinapi-it na tuno nan otot na pinarotpot na series. In short, guba an pangadji. Yasakit an amo Popo na amoy gapasabat. La-ong dayon si Popo: " Nanga sa Ku....a wara kaw mahiba-o na pagapa-og-og na kaw?" adto na isab...inkaduga-ngan na isab an katawa ko nan word na "pa-og-og". Tapus, intodlo ni Ku...a si Iya ...... na an gapanawpanaw sa kosina kita an iya labot.

Aton na si Iya...... sa amo atobanga. La-ong dayon ni Iya P...... "SUS! kadako na disgracia, madayaw ngani kay yag-panti ako, kita garo an ako kikibong." Tubag ni Kusaka, in a critical way na gapabiliv na brighti siya, na ga tudlo-tudlo pataraw. Kusaka:" Madayaw pa kon wara kaw magpanti kay dili garo kaligpitan an imo bado". Basta kay yaniyaho na kami nan kinatawa. Kay pagtu-o ni Kusaka na an iya logic mas korek kay sa kan Iya P.....[b]

[Guest]

Hahahahaha…… an ako ka dumduman nan yaon ba-ki-ki.
Naadi kon bag-o gani magpusa an amo hinangkan ako sunod-sunodon para an piso dili ma tukob nan banog. Kon mag pa apiki kaw gani masakit an hinangkan mosikarag sa dayon an balhino. Paga sungog ko basta kobasan pakaw ako. Sus sakit sa baya kon kasikadan kaw. Pahindagan ako kay paga lanat sa ako iton panoway na manok. An ako sinelas inka biya-an. Kagi-od pakaw ako nan dugi da ba-ki-ki lagi pag uli kay sakiti sa an ako lapalapa ga ta-ngag nasa nan arang na dugi. Wara ako mang saba kay basin dad-on ako nila sa despensaryo para injectionan na dili ma titanos. Didto paga kuhil ko nan dagum madayaw gani wara mag nana astan dali sa sab yadayaw. hahaha

[kampanaryo_spy]

oo agaw ABB? kulbai yaon hinangkan na amo pa mamisa nan piso kay mangubas gayud. musikarag raba dayon taraw yaon ila ampak. pero metaphor sab an hinangkan nan mga babaye, amo? pareho rugar haw mahinay an panagaon nan mga masugo, mulaong dayon an amo lola: amo da kay kaw nan hinangkan na inkapus-an.

sakto kaw! an dukih-kih, yaon grabe gayud na katawa na lukot-lukot na balitaw? (doubling in laughter laong pa sa maninglis.) yaon magluha na an imo mata? yaon makatir-is (wet your pants) na kaw hapit nan bumuhakhak. kami yaon na manyosa astan sibuling manghila sa gayud sa bantaw nan kalukot nan tawa, singkitar paga-buntog.

[Guest]

Hahahahaha…… an ako ka dumduman nan yaon ba-ki-ki.
Naadi kon bag-o gani magpusa an amo hinangkan ako sunod-sunodon para an piso dili ma tukob nan banog. Kon mag pa apiki kaw gani masakit an hinangkan mosikarag sa dayon an balhino. Paga sungog ko basta kobasan pakaw ako. Sus sakit sa baya kon kasikadan kaw. Pahindagan ako kay paga lanat sa ako iton panoway na manok. An ako sinelas inka biya-an. Kagi-od pakaw ako nan dugi da ba-ki-ki lagi pag uli kay sakiti sa an ako lapalapa ga ta-ngag nasa nan arang na dugi. Wara ako mang saba kay basin dad-on ako nila sa despensaryo para injectionan na dili ma titanos. Didto paga kuhil ko nan dagum madayaw gani wara mag nana astan dali sa sab yadayaw. hahaha

marosep, gaduwa da sa kaw gawo adto, karitin kaw hinuon nan dagan, kadugian pa gayud. binmalik kaw gawo haw inpatuka mo dakan an mga dugi sa hinangkan hahaha! galing kay sab an kontra mo animal, uno kaha adto kon inkabunawbunawan mo, patay an hinankan astan mga piso, sus massacre? hahaha! wara nay iyo manok dayon? magtiyaho kaw kaha kay imbis may manok pa niyo na sud-anon - wara na hinuon.

[borag]

matay gayud kalawum nan iyo tinagon-on dili matungkad mag sa lamang kita malumos. na hala mo utok dakan lamang sab ako.

[kampanaryo_spy]

cordaps, lay-ob, abb:

adtuhay, yaka-probini da gayud si bonsal nan ato paghuya nganhi. salamatirs bon.

na hala, uno ini, sugdan ta nan pagtagik nan titiyabon na dili matugkad para mahimo ta an diksyunaryo? kamo sa lang ngaton kay ako ngadi gapanikad na kay. inday pagabitbit pa anhin si abb ni lay-ob ngadto sa kabalawan

[Guest]

Ay, in hakop nasa baya isab kita ni Bonsal. Salamat Long. Hala mag patabo kita kay madayaw ipa semento inin bag-o na panimay para dili dali mawasak kon ma lambus nan habagat.

Yadi ako ga baktas apiki na sa Kabangahan. Tsk! tama hinanok an katug pagmata dipalita dinalidali wa na maapas an batselor. Hinay inin panaw kay malapok. Ga uwan kabii naman sinab-it ini sinelas sa abaga kay sigi mo pilet sa lapok. An likod polka dot na nan tilapsik.

Wara ko hibagti si Lay-ob ngadi wara baya ngaton?

K-spy, palihug...puydi mo e lahi an Kan 'Yo Liloy? Para mag sunod ya-on iya binowan na sugilanon. Madali dayon hipalgan. Haw anhi, lokoton pa nato inin banig para makit-an.

Salamat daan,
Abb

[kampanaryo_spy]

abb,

kibali sa kaw lagi sab mantika matug naman minlabay na iton tama na rosales sanan nimbusco.

gauno kaw ngaton sa cabangahan na grabe sa kahan bunok? naman yagka pisa-pisa iton imo yapating. tama ini na bata, pakajawa basin alipungahon kaw, makatuhi raba tapos ag maghiga an mga balintunga-an nan ato mga kamoy.

ini dakan an ato sabutan. mag himo kitan new post nganhi na thread na ato nganlan nan "Tagon-oni na Titiyabon." Ngadto ta ipatik an ato impanghibaw-an na mga malawom na titiyabon iban an iya translation. sumpay sumpay na dayon. ini amoy ako himuon na source para pagmugna ko nan diksyunaryo, amo?

dapat lugwayan ta an ato nganhi mga buot, kay kon ugaling kita masayop sa ato translation, libre an iban na korehi-an kita. way bihagay gihapon nan ini, tutal an ato tumong madayaw sa, 'mo?

lain pay ato abb, gikan kahapon hangtud kuman, mga upat (4) kay adton PM na impalusot ko ngaton kanimo. yaniguro lang ako kay basin wara mo madawat an iban.

ina-ay pa kay sugdan ko naa pag-abri yadton pagalaong ko sa taas.

[kampanaryo_spy]

yadto na. hala na, post na dayon kamo.

[Abb]

K-spy,

Amo dan mantika kay paga bilaran sa gud inin blog kabii. Wa sa lang adto damha. Mag lingi ko, uno ga langoy-langoy nasa inin tapangko. Yagka libat libat nasa baya ako nan binasahay. Mauwan-uwan pa gayod di ga hagok.

Didto sa Cabangahan kay paga sambilaw ko inin basakan para ma plano kon kinon-o mag padaro. Anay gabunok lagi yang lutaw iton manga bino-ungan na paga patahay para lu-ngog. Mapisa-e. Yag kalamotik inin ako yapating kotub sa tuhod. Segi lamang kay ako da ini waswasan tapos sabonan kon ajax para patay an kagaw dili alipungahon. OO sakto kaw katuwi gayod agaw amo dan hagikhik. Kon maghiga, suksukan koda nan gapas para sunopon an nana motahay dayon. Dali da madayaw. Puydi ba ini tambalan nan mertayolit?

OO sakto kaw. Sus, sumitido ako… didto ako gikan, ora mismo sa iton ato manga kabata-an yanubag. Gahaguros kay ga katay katay nasa dayon amo dan bagon astan batong. Amo yaon an madayaw mag inambitay (team work) kay arang gayod ini na malipay. Kay kita tanan nan ini mabulahan. Santisima! Uno anhi amo dasan mo kandidato. Yamohunan.

Hahaha kibali kaw baya iton kabaw. Lugwayi pero agaw pahilabi-i kay basin ma-abot, ma samsam iton camote.

Sakto kaw. . . kay kahin pa sa ininglis “work in progress” ini. Kibali rugar “draft” hingbisanan pa, pangumhan pa, kanaman kon sin-o an experto tabang kamo limpio para kon tapus na, lipay kita tanan mo tan-aw nan ato agi. Diba?

Yadi dawat ko tanan an pm ya lenga naay yadilatar nan binasahay ngadi sa blog. Ka pungot kay hinay ako magbasa kibali Grade 2 section 8. Kay nan una pa ligoy-ligoy sa lagi dili mag tu-on iton inka baslan. Ag mag punga-punga. Ako anhi kahin mo pa “pa-u kaba-kaba”. Abay lamang kay balikan koda an pm mag sun-ad naay tapos mangamote. Amo?

Abb

[pispanero]

bagan angayani nganhi si rina! an iya mga titiyabon mahalawum. hala kay kun makailawod yadto sa tandag ako pa interneton para makaapil siya nganhi.

kasoy- cashew. yaun iton kasoy sa iskina nan plaza sa bay ni maam
bandoy, malamii raba.

[Alibangbang]

K-spy/Cordarps/Lybs astan mga ka hungan-hunganan,

Naay kay paga mingaw intawon inin tao kay idudud nasan pistan mga minatay… Ganahan mag pahungaw para ka lugwayan inin dubdub.

Nan isa na adlaw yahi lipot kami ngadto sa pikas lungsod na may tiyangge nan yag ka kanat iton mga isda, pasayan, lukon, alimango na yaon sa ato gayod na ag nila pintuw-won. Bastan mata ko tuliyok kay sali sa rugar malintar.

Damu-er na kahin pa sa ininglis “seafoods”. An mga hitsora amo dakay nan yadton mga esda sa tiyanggi sa Moonglow nan una. Kadumdum pa kamo? Adto sa mo tugbong ma niyanggi tapos usahay ma pisa-e. Naman ag kita mag kindang kindang mag panaw para di mag kalamotik ton yapating….

Naay balik kita sa mga isda. Kibali kaw ton gasakada kay damoin penalet hadlok kahut-dan. Madayaw gani may kariton na adto ibutang ton pinalet para amoy iduso pasingod ngadto sa karomata, May amo dan pogapo, lapulapu, banak, barilis astan buntog an iban ya may-ong, may-ong pero wa na ka dumdumin ngan. Pag abot sa bay, mag perito garo. Naa kay bag-ong limpio iton pasong, in poluho-an kay mag kuskus na sab nan pisik nan mantika. Eskabetsehon dakan, ma kote, kay mag gotud-gotud (tagud-tagud?) nan para subak pero dali dasa. Na amo na eskabetse…. laong si Nora Daza botangan nan kagu-ku na puwa. Suka mo padla, hurot nasan kagu-ku, mo panaw nasab para palet sa tindahan. Naa baka munton ton eskabetse sa sunod na. Paksiwa ko pakaw yadin isa ka clase haw butangin arangin loy-a. In apongan ko ton kun para dili mo subwak an sabaw para di tayhan. Haw bubuehay nan gamay na magtika para mag latab. Basta da-ug lagi. Kabii ay ay hiting-hiting tapos nan pani habon. Ay.. kon apiki pa lamang kita dali dasa garo maka dalikyat dayon para ngadi sa bay kita tanan mag tibo manihapon.

Cordaps sakto si “Yo Fidel way gayod sama sa ato ! ! !

Nahala amo da ini… kay medyo min lu-ag na anhin balati-an. Madayaw na pag pa ngalag kalag kaniyo tanan. Mag inampu-ay dakan kita. Mag suga akon dag-ko na kandila ngadto sa may kapun-an nan kahoy sa luyo para paniho-ngod kanila tanan.

Abb