Pasalamat

[Guest]

Mana Panday,

1988 gakita kita sa ako apartment an ato sud-an tinua na isda ya kalimut ako uno isda-a pero may bulinaw isab. anduha ni nanay hasta si Iya Nena lipayi kay gakita sila. Kamusta na kamo tapos na nan college sa Robin ako malisud pa kay gagmay pa an ako upat ka iso. Sige pa kamo nan bisita sa New Jersey? Few years ago we went to Nova Scotia via Maine gatraffic sa may welcome sign sa iyo state (live free or die) ingkadumduman ko ikaw

[Guest]

K-spy, kilahi ko sa gayud an imo mga pamilya, imo mga pagtagsa sa Tandag. Ya maestra ko sa isab an isa mo ka inaon na adto gani maghuya sa una sa likod na Titang Montero. Inday kon ad-on pa an dakoi na mangga. Yamaestra isab nan isa ko manghud an imo mama. Wara nakaw kakila kanako,hinood na gud kita. Mga bigwis pa sa kamo nan pagpanaw ko. One clue an ako manghod ka batch mo, yaon sa munisipyo magtrabaho..

Abb, I'm sorry of your loss. Kon ka batch si K-spy an mangod ko, yamaestro isab baya niya si tatay mo. Yahikamot na sa agaw ako nan tino, amo say agaw yaon kalingawan kon magagutos pasingod sa ilaya.

panday,

yakuha ko da gayud an imo identity pinaagi sa mga clues na imo im-provide. tenx.

kila ta kaw kay boardmate sa kami ni arnold sa cebu during our last years in college. permi kaw gani magpada kan arnold nan card astan dollars.

not only boardmate, roomate gayud kami ni arnold, together with noynoy young (iya caring's son na classmate niya sa civil engineering sa UV.) before kami gaka roommate (3rd floor), didto naa ako sa 1st floor na an ako landlady first cousin ni lay-ob.

tapos yaon sa picture mo sa reunion sa chesapeake, di ba? yup, classmate ko an iyo youngest. wara siya sa munisipyo, sa municipal trial court siya. tapos wara niya ma titser an tatay ni abb kay lahi sa sila (girls) na klase basta practical arts. si rene prado ila titser.

[Panday]

Guest (1) kumusta na sa kaw dugayi na gayud kita na wara magkita.Hingkit-an ko an mga retrato nan imo mga anak, mga purya buyag sa gayud mga guwapahi and very talented pa gayud. Gahisgot kami ni Lay-ob na magtapo kami ngad-on sa iyo maglibod. Pero dili naay kuman kay matignawi na. Sus paglibod isab kamo ngadi,ilabi nga gayud kon summer na. Si binignit yakakadi sa gani,yanihapon ngadi sa bay may seminar sa yadto siya sa Salisbury.
Nan pagtugbong ko 2 years ago,yagkakita kami na imo manghod si Vice,may ila yadto hudyaka sa Town Hall paga paingkod gayud niya ngadto sa luyo nan asawa nan mayor.
An ako daga ga-eskuyla pasa kay gatrabaho sa lagi isab siya.

Guest (2) I'm glad na mangakila mo sa baya an ako mga lomon..
na hala kay halawom na dom ngadi sa amo.

[kampanaryo_spy]

Guest (1) kumusta na sa kaw dugayi na gayud kita na wara magkita.Hingkit-an ko an mga retrato nan imo mga anak, mga purya buyag sa gayud mga guwapahi and very talented pa gayud. Gahisgot kami ni Lay-ob na magtapo kami ngad-on sa iyo maglibod. Pero dili naay kuman kay matignawi na. Sus paglibod isab kamo ngadi,ilabi nga gayud kon summer na. Si binignit yakakadi sa gani,yanihapon ngadi sa bay may seminar sa yadto siya sa Salisbury.
Nan pagtugbong ko 2 years ago,yagkakita kami na imo manghod si Vice,may ila yadto hudyaka sa Town Hall paga paingkod gayud niya ngadto sa luyo nan asawa nan mayor.
An ako daga ga-eskuyla pasa kay gatrabaho sa lagi isab siya.

Guest (2) I'm glad na mangakila mo sa baya an ako mga lomon..
na hala kay halawom na dom ngadi sa amo.

panday,

am very sorry. yaon si 'GUEST' sa taas dihaw taga new york yaon. si k_spy yaon.......sorry....peace.

[Panday]

Oopps! sorry k-spy..

[Alibangbang]

Pan,

Kalimot agaw ako pag sulti kanimo. Yadi isab an amo ritualis sa bay. Pag abri nan "rice cooker" korosan naay an ibabao nan kan-on ugsa mag sukad.

Kon mapaso an alima pag hawid nan kaldohan na gikan pinainit sa microwave hawid dayon sa talinga haw laong "tabang talinga ya pason alima". Abi mo it works.

Kon manga-on pawong an TV astan waray music kay respeto sa pag kaon na grasya gikan sa Ginoo.

Kon may kalit moagi kay may kohaon tapos yanga-on kami pag panaw ag tuliyokon an plato para kono dili gaba-an.

Laong ko we have nothing to lose and a lot to gain....

Abb

[moneth]

Pan,

Kalimot agaw ako pag sulti kanimo. Yadi isab an amo ritualis sa bay. Pag abri nan "rice cooker" korosan naay an ibabao nan kan-on ugsa mag sukad.

Kon mapaso an alima pag hawid nan kaldohan na gikan pinainit sa microwave hawid dayon sa talinga haw laong "tabang talinga ya pason alima". Abi mo it works.

Kon manga-on pawong an TV astan waray music kay respeto sa pag kaon na grasya gikan sa Ginoo.

Kon may kalit moagi kay may kohaon tapos yanga-on kami pag panaw ag tuliyokon an plato para kono dili gaba-an.

Laong ko we have nothing to lose and a lot to gain....

Abb

kadamui mo baya na mga ritualis auntie...ngadi agaw dili ko ma practice yaon kay ako da sa isa...cge lang kay hapit na kami mag duha nyahahahaha....mangutana da ako sa imo...kun uno pa an mga ritualis aside from that..para may atu kakat-unan...

[Panday]

ABB, pasinsiya na kaw naay kay yangamote pa ako sugod nan Sabado ug Domingo,dom na ako makauli permi naman wara dayon ako katubag. Ako dili ko gayud kabiyaan ini na rituals.
New Years Eve, mag-andam na ako mga 3 ka jelly jars bisan gagmay da god. Pon-on ko yaon nan oil (mahupay), bugas (abunda) sinsilyo (may abot kaw permi) butangan mo isab nan sinsilyo an ako pitaka ug bulsa. Amo ini an mga lihi kon magbag-ong tuig. Ilihi mo isab ini kon mobalhin kaw nan bag-o na bay o apartment.

Kon ngadi na isab kita sa mga medicine remedy. Maga stock ako permi nan Tiger balm ug Salonpas, madayaw sa gayud iton kon pandaohon kaw.
An linanga na luy-a amoy dili isab ako kawad-an, abu-an inin gatignaw tignaw na malami-i an luy-a butangan nan honey. Na hala mag-estorya da kita.

[k_spy]

panday/abb

uno na ini na tingkal yautod sa? duda ko busy kamo ngaton nan inin thanksgiving (na tapos na raba). uno agaw yaon na wara say selebrasyon ngadi nan thanksgiving? ngaton big deal sa gayud ini amo? ngadi an big deal xmas astan pista.

abb may ako agaw sinuwat na in-publish gihapon nan inquirer, MUSINGS ON XMAS, ako da ipapatik nganhi. mga kalihukan namo ini na-adi na ag kami mangarol ginamit an sarsa na linansang sa kahoy. tapos an ag igala kanamo ni bert ug patring yu mga lemon kendi na yagkadaiya an color. yadton makinlaw balitaw an putos, tapos paghuman mo lam-lam nan lemon imo dayon taraw an puya putson nan kanan lemon putos haw i-nusnus sa imo babaungan para mo lakra an ginawngan nan tao na yaon sa puya. bali-bali lugar taraw ini.

tapos yaon manalinga balitaw taraw kita unoy gayud una na muhuni na mananap pagkatapos tanog nan kampana obin karnaka para ato hibaw-an haw abunda ba o gutom an muabotay na tuig. ag pa ini niyo himuon ngaton? ngadi permi ido dakan an muhuni kay hurot na sa lagi abay pangihaw iton carabao.

hala sumpayi na dayon niyo.


k_spy

[Alibangbang]

K-spy, oo agaw dako yaon na selebrasyon ngadi an “thanksgiving”. Duha ka rason. An una, kadaghanan kahin pa, ag nila e abandonar an ila deyeta (diet), habhab hangtod hitinghiting na. An ika duha, pag ka silom ila e “burn” an tanan “calories” pag shopping. Balitaw, an thanksgiving falls on everyday last Thursday of November diba? Pagka Friday, halos tanan mga tindahan (dept stores) mag “sale” kay an tumong nan mga retailers mokita nan kowarta (Black Friday) thus making the last Friday of November the official start of the holiday shopping. Kanaman an mga kaopisinahan serado kay bisan kon mag abre sila, kadaghanan mga empleyado mo day off para mag shopping kay inin arang sa lagi na sale agaw. Maka daginot sa gayod labi na kon kita kaw nan 50% off. An iban gani yaon pay tawag na "Early Bird" di an iban agaw mangadlawon kay may oras sa nan yaon pananglet gikan sa alas 8:00 to 11:00 AM 75% off. After 11:00 50% dakan di mahay dasa agaw an 25% diba? Si Mana Panday yagka himamat kami. Yaon baya siya sa “retail business” kanaman busihi yaon siya koman na mga panahon.

K-spy segi paaboton namo an MUSINGS ON CHRISTMAS. Uno sa na kadumdum ako nan yaon mangarol, Yaon sarsa na ag ilansang sa kahoy tapos imo e wirikwirik para amodan mag koriring pero kinumpas sa tunada. Sus, madayaw kay kendi an ag igala nila ni Yo Bert sa iyo. An ag igala kanamo sa una, lidgid, puto, soman kon suwertehan .05, .10, pinaka dako .15 sentimos na pinotos nan papel diba?. Pero yadton amo isa ka Uyoan amoy grabe kay isa ka puya an ag igala kanamo.!!!!. (aduy kakibitan kay bagan ako anhi pero, wara na bagan kamo makakila sa iya.. Neth, ato dakan ini) Basta kay, basle pakaw namo. Ag sa yadto mag patanto. Tapos an iya listahan adto sa likod nan perta nan ila kowarto nan amo iya-an. Ag niya e suwat nan “chalk” tapos kon mag bayad na an utangan iya papa-on. Basta kay, yaka idiya isab yadin isa ka igtagsa na malditohay, adto sa kami sa ila usahay mag libud, pin manik kami sa taas, haw hanapa namo an chalk, haw rambula pakaw namo an mga numero sa iya listahan. Kon ganahan kami sa utangan koha-an namo an iya utang. Si anhin ‘Yo Mityong imbis na 25.00 pesos an utang, amo paga papa an 2 ilisan nan 1 di 15 dakan. An iban amo lamang paga rambul. Pero hin baw-an na kami an ga lipalipa nan iya listahan. Uno pa di kami tanan yahilamit….Iya kami in pasaylo pero sukad yadto kay dos andanas sa an ila bay, dili na kami kapanik sa taas kon mag libod kami sa ila. Ay sorry….. yahilawod…..

K-spy an puya ag namo likiton nan yaon kinlaw na paper sa sigarelyo inday champion bagan yadto. Daya-an gayod pag palis tapos nipisi bagan adto putson dayon an puya iton lakrahi agaw an u nan tao. Tapos kinlawi pa.

Matay lisodi ngadi. Dili gayod hibatian kay mabuyongi kon bag-ong tuig. Pero nan una agaw ag sa adto abrehan an bintana para bihatian kon unoy una mohuni. Mag ampo agaw yadto kami na dili kon manok kay an pasabot nihit kay kaskas tuka sa rugar.

Hapit nan pista… uno mag tinao kamo?

[Guest]

ABB, si Iyo Mityong yaon na maguwang ni Iyo Pitin na taga Kambating? Iyo baya pagadugangan an iya ipalitay nan tuba hasta Sabu. inkahinumduman ko moagi sa bay yadto maglaong dayon si Nanay, Mityong Lain na isab an ino pinanawan tapas modugang an Lola ni Bonal hunong na Mityong na iton inum - Motubag dayon siya sige lang Iya kay "the man in the mango tree ang tao way siguro," mopur-ak dakan kami nan katawa.

Ikaw gayud ABB mangayud ako maka tubag kun ikaw ang mag post interesting sa tuho ang imo manga topic. Damu ko na kahinumduman.

[k_spy]

abb,

naman baya amo yaon ka big deal ngaton an “thanksgiving.” anay an 1st cousin ko na yaton sa indiana amoy isab laong. na kay masinerbehon isab yaon na babaye, basta kuno an tiyan niya kakudsan nan lusa, kay dabos-dabos sa lagin madapaw.

tinagpaya baya isab an shopping. duda ko hurot taga tago mga "early birds." wow, di baya yaon bilaran nan taga tago. managbilar ngani kita nan way hinungdan, bisan igo da magbitik nan utot obin linabakay nan bakak, iton pa sa na arang na ma-ando, amo?

saba mo lang kay ako da nganhi ipatik yadton MUSINGS ON CHRISTMAS. sigurado ako maka-relate kaw.

panga bilyako baya niyo na mga pagtagsa. kamo baya iton ga orihin nan DAGDAG-BAWAS..... kuydawo lamang!


magpistahay gihapon (bisan dihaw katoliko) kay kasawaing isab haw may mupanik tapos way gayud ato mahidalit. kadaghanan amo bisita taga 'farm-to-market-road'----taga lapaz astan san miguel (specifically sagbayan).

kada hapon kami mangukay kay tinagpayan ukay-ukay. basta masakit lagi si manyosa kay basin kuno kami tapnan nan sakit. sus tu-o kaw---lapwahan da gud. hahaha kibali iton biringhinas. mga bag-uhi da, signature pa gayud. may ako lang jacket na issey miyake na 50 thou da. na hani pa kaw nan iton.

nite nan munisipyo ngay-an. mapawan plaza kay arangin xmas lights, kibali isab ayala. contest yaon nila kada office. defending champion si totong orillaneda of post office. pero kuman bagan si larry bautista an mo champion kay amo pa abot si totong gikan magpa aliwawa sa alinam.

abb, bagan i-akusar ko na gayud an post office. nanga lugar hangtud kuman wa ko pa gayud madawat an libro. yanag-ayo na manag kanta nan PASKO SA BINILANGGO.

[Alibangbang]

ABB, si Iyo Mityong yaon na maguwang ni Iyo Pitin na taga Kambating? Iyo baya pagadugangan an iya ipalitay nan tuba hasta Sabu. inkahinumduman ko moagi sa bay yadto maglaong dayon si Nanay, Mityong Lain na isab an ino pinanawan tapas modugang an Lola ni Bonal hunong na Mityong na iton inum - Motubag dayon siya sige lang Iya kay "the man in the mango tree ang tao way siguro," mopur-ak dakan kami nan katawa.

Ikaw gayud ABB mangayud ako maka tubag kun ikaw ang mag post interesting sa tuho ang imo manga topic. Damu ko na kahinumduman.

GUEST, madayaw na yakaliput kaw …
Tan-awa si ‘Yo Mityong, case in point nan “the man in the mango tree”. Sin-o say agaw mag palandong na ma starring siya koman nganhi sa world wide web o cyberspace. Ayay kila mosa baya siya Guest. Magsusapenday yadto pero ma bibo. Isa ka bisis paga kuhit namo an tiniman-an na bonga nan balingbing. Min agi siya laong namo; “hala ‘yo tamukahay taraw para dili ma bun-og” dihaw pasa “loaded” di tul-id pa mo indog…. Tamok agaw isab niya.

Si ‘Yo Alip kila mo? Amo sa yadto an ag manang-got nan sani. Kon hapon na, moagi sa bay gikan tibaw nan iya sang-gotan, mag bago-ud nan dagtong na puno nan tuba. Kon an sani yaon sa imo tereno may imo sa rugar kabahinan para himo-un na suka… adto kay mag sunod dayon kay tagay tagay sa dayon. Matay bisan amoamo sa agaw malipayon kay gayod adto sila kay kon bawongbawong na manganta sa dayon nan "PAGKA GARBOSO NIANA NGA BUKID" Ayay “stress free”. Madayaw inin mobisita kita sa "past" kay ag kita ma relax amo?

Hala Guest ayoayo dakan…keta da kita utro….

Abb

[Guest]

abb,

panga bilyako baya niyo na mga pagtagsa. kamo baya iton ga orihin nan DAGDAG-BAWAS..... kuydawo lamang!


magpistahay gihapon (bisan dihaw katoliko) kay kasawaing isab haw may mupanik tapos way gayud ato mahidalit. kadaghanan amo bisita taga 'farm-to-market-road'----taga lapaz astan san miguel (specifically sagbayan).

kada hapon kami mangukay kay tinagpayan ukay-ukay. basta masakit lagi si manyosa kay basin kuno kami tapnan nan sakit. sus tu-o kaw---lapwahan da gud. hahaha kibali iton biringhinas. mga bag-uhi da, signature pa gayud. may ako lang jacket na issey miyake na 50 thou da. na hani pa kaw nan iton.

nite nan munisipyo ngay-an. mapawan plaza kay arangin xmas lights, kibali isab ayala. contest yaon nila kada office. defending champion si totong orillaneda of post office. pero kuman bagan si larry bautista an mo champion kay amo pa abot si totong gikan magpa aliwawa sa alinam.

abb, bagan i-akusar ko na gayud an post office. nanga lugar hangtud kuman wa ko pa gayud madawat an libro. yanag-ayo na manag kanta nan PASKO SA BINILANGGO.

K-Spy,
Anay lagi bilyako kay hibawo sakaw na “we had plenty of time in our hands”. Kon kapuyan na abay sakay nan kabaw tapos yangana-ug na sa kapon-an nan bayabas astan tambis kay hurot na pag kaon an bunga na hinog, di mag hanap na isab nan lain na kalihokan. Sus kibali kay kami adto mga amo na debistida, mag bawon nan pinotus na asin kon mo dag na sa tambis. Ayay ab-uton sa gayod yaon puwahi basin yagka bawog-bawog iton sanga kay lamii sa. Diba lami an tambis e dudu sa asin? Galing kay usahay ag mahilakip pag kaon inin kuramsun.. sus kahang raba. Yaka tilaw kaw nan kuramson na wa mo hibagti sa bunga nan tambis dapit sa may liso? Yaon tambis sa bisaya ha…. dili kon yaon tambis na yaon sa likod nan bay na Maam Risma lay dihaw bisaya yaon. Amodan makopa na tambis badingaer….

Hala kay mag pistahay sakaw baya… mangaton kami. Uno paniudto o panihapon? K-spy, ag gihapon ibutang an mantika nan baboy na ag maturog sa butilya nan lipig? Sus pagka liwas nan pista lamii kay yaon isagol sa kan-on tapos patiwisan gamay nan tuyo…tapos sa kilid nan playo may hinog na saging…..Ayay….Hala kahin pa ni anhin Julia Child, “bon appetit” dakan……..

Issey Miyake by Naoki Takizawa……K-spy…… 50 thou as in grand???? Wow…that’s a big chuck of change. Hala lapwahi lamang iton… total an una na tag iya nan eton segurado ako isa da ka bisis niya eton paga sukbut. Kon di gani wara gayod niya eton masukbot paga palet lamang eton para may da na putos paglugwa sa tindahan. Matay ini na hapon tigowangay nakay pero min lahotay kay an iya mga design tungod bagan sa iya unorthodox plus westernize style na dili mo ma expect sa hapon. There was a write up about him where he called his creations “art pieces” rather than pieces of clothing……

Ayay… kibali baya aton plaza bay nila ni Clark Wilhelm Griswold sa Lampoon’s Christmas Vacation. Basta kaya lamang nan korente….kabibo baya naaton. Unoy primyo nan champion?

Hala lamang kay bisitahan ko yadin post office ngadi. Yadi san recibo para ma claro kon hain na….

Aduy desperas nakay….kadumdum sa lamang kitan harog I tuslob sa suka…Hala palayo lamang nan pag kaon na taas an uric acid. . . .

Abb

[k_spy]

abb,

adto kay adton sa marilou magallanes, deedee luna, imbiya-an ko sa ukay-ukay kay mindalikyat ako nganhin.

kon kina-unay dakan nan kuramson, di na ako dag-on. kay sa atbang namo (ka lina pagaran) may dakui na tambis sa luwak nan ila koral, tapos sayuhi da maturog kay dili tugtan nan ina na magpison silan karsada haw madum---adto managhapon kay dayon kami sa sanga, unsay mga kabog. an kuramson ad-on maghuya sa talinga nan tambis. demodo pag lam-lam mo kay madugum sa, lakip isab an kuramson. naman mualigmaat pagka hot and spicy an tambis. oo, way lami yadton ka risma, tab-ang, kibali suka na inka-angkan nan kuding na ag mo naa ibuwad para mubalik an kaaslom.

update nan lengwahe ngadi. any amount less than 1,00 dapat may suffix gayud na 'thou.' naman an issey mikaye na jacket---fifty thou! basi di kita kasabtan kon mulaong fifty grand---basin hinua kasumpayan nan 'piano.'

amo gihapon, mga binotilya an mantika kay higsan mo sa gayud an taba. bastan an mga kalderin hurot may yanaghu-om na linuto astan karne. gamayi dan yamista. this is the least merry fiesta in all of my 40 summers. i'll write about it later; i'll compare the fiesta in the 70s and this year's.

liputon ko naa kuman kan totong kay basin yaon na, dili raba yaon sila mag deliver nan mga letters and parcels. why? search me!

amo da naa.

peace and love. always.